બાફેલી મગ ની દાળ ના સક્કરપારા
આ સક્કરપારા મગ ની દાળ અને ઘઉં ના લોટ ને મિક્ષ કરી બનવા માં આવે છે. બાળકો અને મોટા બેય પસંદ આવે એવો આ નાસ્તો સ્વાદિષ્ટ અને બનવા માં બહુ સરળ છે . ચા / કોફી સાથે કે બાળકો ને સ્કૂલ ટીફીન માં કે ગરમ દાળ-ભાત સાથે ખાવાની મજા આવશે .
આપ આ સક્કરપારા માં બારીક સમારેલી કોથમીર કે પાલક પણ ઉમેરી શકો . કાળા તલ થી ઉઠાવ વધુ આવશે. મેં અહી વધેલી બાફેલી દાળ લીધી છે . આપ જાડી વઘારેલી દાળ પણ વાપરી શકો પણ એમાંથી ટામેટા , લીમડા ના પાન વગેરે કાઢી લેવું .
સામગ્રી :
• ૧ વાડકો બાફેલી મગ ની દાળ
• ૨.૫ થી ૩ વાડકા ઘઉં નો લોટ
• ૫-૬ ચમચી તેલ
• ૨ ચમચી સફેદ તલ
• ૧ ચમચી ચાટ મસાલા
• ૧/૨ ચમચી આમચૂર
• ૧/૨ ચમચી હળદર
• ૧ ચમચી લાલ મરચું
• ૧/૨ ચમચી હિંગ
• મીઠું
• તળવા માટે તેલ
રીત :
તળવા માટે ના તેલ સિવાય ની બધી સામગ્રી ભેગી કરી થોડો નરમ લોટ બાંધો . આ લોટ ને ૫-૧૦ min સુધી ઢાંકી ને રાખી દો .
લોટ માંથી એક લુવું લઇ મોટી પાતળી રોટલી વણી લો . મનગમતા આકાર માં કાપી લો .
તેલ માં માધ્યમ આંચ પર તળી લો . ઠંડા પડે એટલે ડબ્બા માં ભરી દો. ..
રસોઈની રાણી : રુચિ શાહ (ચેન્નાઇ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.