કેળા પોટેશિયમથી ભરપુર હોય છે. તેને હેલ્ધી ફુડ માનવામાં આવે છે. ગમે તેવી કકડીને ભુખ લાગી હોય પરંતુ જો એક કેળું ખાઈ લઈ તો પેટ ભરાઈ જાય છે. ત્યારે જો આ કેળાની બરફી બનાવીને ઉપવાસી ખાય તો તેને અશક્તિ પણ ન આવે અને ભુખ્યુ પેટ પણ ભરાઈ જાય.. તો હવે જાણી લો…
કેળાની બરફી…
સામગ્રીઃ
- 4 મોટા પાકા કેળા
- દોઢ કપ દુધ
- 2 કપ ખાંડ
- 2 ટેબલ સ્પુન ઘી
- 75 ગ્રામ નાળીયેર
- 1/2 કપ ક્રશ અખરોટ
રીતઃ
૧ – કેળાની છાલ ઉતારી તેને સ્મેશ કરી લો. મેશ કરેલા કેળાને દુધ સાથે એક પેનમાં ત્યાં સુધી પકાવો જ્યાં સુધી તે ડ્રાઈ ન થઈ જાય.
૨ – હવે તેમાં ઘી ઉમેરો અને જ્યાં સુધી મિશ્રણનો રંગ બ્રાઉન ન થાય ત્યાં સુધી તેને સતત હલાવતા રહો.
૩ – હવે તેમાં ખાંડ અને છીણેલુ નાળીયેર ઉમેરો. સાથે અખરોટ પણ મિક્સ કરો. હવે ગેસની આંચ પરથી તેને ઉતારી લો.
૪ – એક પ્લેટમાં ઘી લગાડીને તેને ગ્રિસ કરો અને તેના પર આ મિશ્રણ પાથરી લો. તેને પ્લેટમાં એકસમાન રીતે ફેલાવી દો. એકવાર બરફી ઠંડી પડે પછી તેના જોઈતા આકાર અને માપના ટુકડા કરી લો. ડ્રાય ફ્રૂટ સાથે ગાર્નિશ કરીને સર્વ કરો.
૫- તો તૈયાર છે કેલ્શિયમ થી ભરપૂર કેળા ની બરફી…
રસોઈની રાણી : નેહા આર. ઠક્કર
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.