ગરમા ગરમ બેસનના પુડલા – એકના એક પુડા ખાઈને કંટાળી ગયા છો તો બનાવો આ નવીન પુડા…

આજે આપણે ગરમા ગરમ બેસન ના પુડલા બનાવીશું.આ પેહલા બવ વખત બનતા હતા, અત્યારે આપણે ભૂલી જ ગયા.આ ફકત દસ જ મિનિટમાં તૈયાર થઈ જાય છે.આપણે એવી રીતે બનાવીશું કે ઘર માં બાળકો ને અને બધા ને પસંદ આવશે.તો ચાલો આપણે જોઈ લઈએ કઈ રીતે બને છે.

સામગ્રી:

  • બેસન
  • હીંગ
  • લાલ મરચું પાવડર
  • મીઠું
  • તેલ
  • લીલા મરચા
  • લીલા ધાણા
  • ટોમેટો સોસ
  • પનીર
  • કોથમીર
  • લીલી ચટણી
  • ફુદીનો
  • ચાટ મસાલો

રીત

1- સૌથી પહેલા આપણે ખીરું બનાવી લઈશું.હવે એક કપ બેસન લઈ લઈશું. ત્યારબાદ પા ચમચી હિંગ નાખીશું.ત્યારબાદ અડધી ચમચી લાલ મરચું પાવડર નાખીશું.હવે એક ટી સ્પૂન મીઠું એડ કરીશું.

2- હવે પા કપ પાણી એડ કરીશું.આ ખીરું એકદમ પાતળું ના હોવું જોઈએ અને એકદમ ઘટ્ટ પણ ના હોવું જોઈએ. જો વધારે ઘટ્ટ હશે તો પુડલા સરસ નઈ બને.હવે તમે વિડિયો માં જોઈ શકો છો કે હજુ આપણે પાણી ની જરૂર છે તો એડ કરતા જઈશું અને મિક્સ કરતા જઈશું.

3- આ વાનગી એકવાર બનાવશો તો બાળકો ને બહુ જ પસંદ આવશે તો વીક માં એકવાર આ વાનગી ફિક્સ થઈ જશે.હવે આપણું ખીરું તૈયાર થઈ ગયું છે.હવે આમાં એક ટી સ્પૂન જેટલું તેલ એડ કરીશું.હવે સરસ મિક્સ કરી લઈશું.

4- હવે આને આપણે પાંચ મિનિટ માટે રેસ્ટ આપી દઈશું.હવે ટોપીંગ માટે એક મિશ્રણ તૈયાર કરી લઈશું.હવે એક ટેબલ સ્પૂન લીલા મરચાં અને ધાણા ની ચટણી એડ કરીશું.આ ચટણી સ્વાદ પુડલા સાથે બહુ સરસ લાગે છે ત્યારબાદ એક ટેબલ સ્પૂન ટામેટાનો સોસ એડ કરીશું.

5- આ બન્ને ને સરસ રીતે મિક્સ કરી લઈશું.હજુ જો તમને ગમે તો મેયોનીઝ પણ ઉમેરી શકો છો.હવે પુડલા ઉતારી લઈશું તવી એકદમ સરસ ગરમ થઈ ગઈ છે જ્યારે પુડલા ઉતારતા હોય ત્યારે તવી એકદમ સરસ ગરમ હોવી જોઈએ.હવે પુડલા ની સાઈડ માં તેલ નાખીશું.

6- એકદમ મસ્ત સુગંધ આવી રહી છે.આ પુડલા એકદમ ક્રિસ્પી બને છે અને એકદમ ફટાફટ બની જાય છે હવે તેની પર ચટણી રેડી કરી હતી તે પાથરી લઈશું.જે ગમે વિડિયો માં જોઈ શકો છો.હવે તેની ઉપર થોડા ઝીણા સમારેલા ટામેટા એડ કરીશું.હવે પનીર છીણી લઈશું.તમે ચીઝ પણ નાખી શકો છો.

7- હવે આમાં થોડી કોથમીર નાખીશું. હવે ઝીણો સમારેલો થોડો ફુદીનો પણ નાખીશું.અને થોડા પ્રમાણ માં ચાટ મસાલો છાંટી લઈશું.મસ્ત મજાનો પૂડલો તૈયાર થઈ ગયો છે તમે વીડિયોમાં જોઇ શકો છો કે એકદમ સરસ દેખાય રહ્યો છે આ એક હેલ્ધી ઓપ્શન છે.

8- હવે તમે વિડિયો માં જોઈ શકો છો કે ગરમા ગરમ પુડલા સૌ કરી લઈએ. આ પુડલા તમે ઘરે બનાવશો તો એક વાનગી માં વધારો થશે.તો આ વાનગી તમારા ઘરે ચોક્કસથી બનાવજો.એકદમ ટેસ્ટી લાગે છે.

વિડિઓ રેસિપી:


રસોઈની રાણી : સુરભી વસા

Youtube Link :ચેનલ સાથે જોડાવવા અહીંયા ક્લિક કરો.

Leave a comment

Your email address will not be published. Required fields are marked *