ભરેલા રીંગણ નું સૂકું શાક
સામગ્રી :
- ૬ રીંગણ નાની સાઈઝ ના
- ૧ કપ શીંગ નો ભૂકો
- ૧/૨ કપ – સૂકું ટોપરા નું છીણ
- ૨ ચમચી બેસન – શેકેલો
- ૧ ચમચી આમચૂર પાઉડર
- ૨ ડુંગળી જીણી સમારેલી
- ૧/૨ કપ – ગોળ સમારેલો
- સ્વાદ મુજબ મીઠું
- ૧ ચમચી લાલ મરચું પાઉડર
- ૧ ચમચી ધાણાજીરું
- ૧/૨ ચમચી ગરમ મસાલો
- ૧ ચમચી તેલ
- અડધી ચમચી – રાય
- અડધી ચમચી જીરું
- ૧/૪ ચમચી હિંગ
- ૩ ચમચી તેલ
- ૧ બાદીયુ
- ૧/૪ ચમચી હળદર
સૌ થી પેલા રીંગણ ને મસાલો ભરી શકાય તે રીતે કટ કરી લો , અને પાણી માં રાખી દેવાના છે. હવે મસાલો બનાવી લઈએ.
મસાલો બનાવવા માટે એક બાઉલ માં ૧ કપ શીંગનો ભૂકો લઇ લો ,૧/૨ કપ સૂકા કોપરા નું છીણ , ૧/૨ ચમચી બેસન શેકેલો , આમચૂર પાઉડર, ડુંગળી જીણી સમારેલી , ૧/૨ કપ ગોળ સમારેલો , મીઠું સ્વાદ મુજબ , ૧ ચમચી લાલ મરચું પાઉડર , ૧ ચમચી ધાણાજીરું , ૧/૨ ચમચી ગરમ મસાલો આટલા મસાલા નાખી અને મિક્સ કરી લેવાનું છે હાથે થી.
બધા મસાલા મિક્સ થઇ જાય એટલે થોડો મસાલો એક બાઉલ માં અલગ લઇ લો , પછી થી તેનો ઉપયોગ કરીશું. હવે ૧ ચમચી તેલ મસાલા માં નાખી અને મિક્સ કરીલો.
હવે કટ કરી ને રાખેલા રીંગણ માં તૂટે નઈ રીંગણ તે રીતે મસાલો ભરતો જવાનો છે. આ રીતે તેલ નાખી અને મસાલો રીંગણ માં ભરવા થી શાક બનતી વખતે મસાલો બાર નઈ નીકળી જાય અંદર જ રેસે રીંગણ ની જેથી રીંગણ ખાવા માં સારા લાગશે . આ રીતે બધા રીંગણ ભરી લેવાના છે.
હવે નોનસ્ટિક કે જાડા તળિયા વાળા વાસણ માં ૩ ચમચી તેલ ગરમ કરવા મુકો , તેલ ગરમ થાય એટલે અડધી ચમચી – રાય નાખી દો , અડધી ચમચી જીરું નાખી દેવાનું છે, બંને વસ્તુ ફૂટે એટલે ૧/૪ ચમચી હિંગ નાખી દો , ૧ બાદીયુ , ૧/૪ ચમચી હળદર નાખી દો , ગેસ ધીમો રાખવાનો છે , હવે ભરેલા રીંગણ એક પછી એક મૂકી દો,
૨ મિનિટ જેવું ફેરવી અને તેલ માં શેકવા દેવાના છે રીંગણ ને,
હવે ઢાંકી દઈ અને ઉપર પાણી નાખી દો અને ધીમા ગેસ પર રીંગણ ને ચડવા દેવાના છે, આ રીતે ઉપર પાણી નાખી પાણી ની વરાળ થી જ રીંગણ કૂક થશે. આ રીતે ૭-૮ મિનિટ કે પછી જ્યાં સુધી રીંગણ બરાબર ચડી ન જાય ત્યાં સુધી ચડવા દેવાના છે. વચ્ચે વચ્ચે સાઈડ ફેરવી દેવાની છે રીંગણ ની. આ રીતે તેલ માં જ રીંગણ ને ચડવા દેવા થી શાક નો ટેસ્ટ ખુબ જ સરસ આવશે.
હવે રીંગણ સરસ ચડી ગયા છે તેમાં જે મસાલો રીંગણ ભરતા વધ્યો છે તે નાખી દેવાનો છે , પછી ઉપર થી જે કોરો મસાલો અલગ કાઢ્યો હતો તે નાખી દેવાનો છે. આ રીતે તેલ વગર નો કોરો મસાલો સાથે નાખવા થી તેલ નું પ્રમાણ બેલેન્સ થઇ જશે અને શાક ડ્રાય બનશે.
જો તમારે આ જ શાક રસાવાળું બનાવવું હોય તો જેટલો રસો કરવો હોય તે પ્રમાણે ગરમ પાણી નાખી ૧ મિનિટ જેવું ઢાંકી અને શાક ને રેવા દેવાનું. આપણે ડ્રાય જ બનાવી રહ્યા છીએ તો હવે એમનમ જ ઢાંકી અને એકાદ મિનિટ જેટલું ધીમા ગેસ પર રેવા દેવાનું છે.
હવે એકદમ રેડી છે આપણું ડ્રાય બેંગન મસાલા , રીંગણ પણ એકદમ સરસ ચડી ગયું છે. હવે ગેસ બંધ કરી દો અને એક પ્લેટ માં નીકાળી લેવાનું છે , રોટલી કે પરાઠા સાથે સર્વ કરો , આ શાક તમે ટિફિન માં પણ પેક કરી આપી શકો છો. ખુબ જ ટેસ્ટી લાગે છે આ શાક એક વાર આ રીતે ચોક્કસ થી બનાવજો.
રેસિપી વિડિઓ :
રસોઈની રાણી : નિરાલી કોરાટ
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.