ભીડો રોજે આપડા ઘરમાં બનતો જ હશે, ઘણી બધી અલગ અલગ રીતે ભીંડા નું શાક બનાવી શકાય છે। ભીંડા માં પ્રોટીન , ફાઇબર , વિટાઇમ સી અને બીજા ઘણા બધા શરીર માટે ફાયદાકારક તત્વો રહેલા છે, તો તમને જે રીતે ભાવે તે રીતે ભીંડા નું શાક બનાવી ને જરૂર થી બનાવવું। આજે આપણે બનાવીશુ ” ભીંડી મસાલા કરી”। ઓછી સામગ્રી માં સ્વાદિષ્ટ શાક બનશે નાના મોટા બધા ને ભાવશે ચોક્કસ થી।
સામગ્રી જોઈ લઈએ
૫૦૦ ગ્રામ ભીંડો
૧/૨ કપ તેલ
મીઠું સ્વાદ મુજબ
તજ
તમાલપત્ર
૧ કપ – ડુંગળી ની પેસ્ટ
૧ ચમચી – હળદર
૨ કપ – ટામેટા ની પેસ્ટ
૧ ચમચી – લાલ મરચું પાવડર
૧ ચમચી – ધાણાજીરું
૨ ચમચી ગરમ મસાલો
સૌ પ્રથમ ભીંડા ને ધોઈ લૂછી અને ડીંટીયા કાઢી ને કાપી આખા જ રહેવા દો। એક પેન માં તેલ ગરમ કરવા મુકો તેલ ગરમ થાય.
એટલે બધો ભીંડો નાખી દો, મીઠું નાખી અને ભીંડા ને સાંતળવા દો , બરાબર ચડી જાય ત્યાં સુધી ભીંડા ને સાંતળવા દો। સંતળાઈ જાય એટલે ભીંડા ને એક પ્લેટ માં લઇ લો,
હવે એજ પેન અને તેલ માં તજ , તમાલપત્ર નાખો, 
ડુંગળી ની પેસ્ટ નાખો અને હળદર નાખી દો , 
મિક્સ કરી ઢાંકી અને ૫ મિનિટ રહેવા દો । 
પછી ટામેટા ની પેસ્ટ નાખો , 
મિક્સ કરી દો , હવે લાલ મરચું , ધાણાજીરું , ગરમ મસાલો નાખી બરાબર મિક્સ કરી લો। 
ઢાંકી અને ૫ મિનિટ સુધી ફરી થી ચડવા દો, હવે તળેલી ભીંડી નાખી દો , ઢાંકી અને ૩-૪ મિનિટ રહેવા દો ,
બસ તૈયાર છે ભીંડી મસાલા કરી।
ગરમ ગરમ ફુલ્કા સાથે સર્વ કરો।ગરમ ગરમ ફુલ્કા/પરોઠા સાથે સર્વ કરો। સાથે પુલાવ હોય તો પણ આ શાક સાથે ખાવા માં માજા આવશે.
નોંધ : મેં અહીં ખાલી ભીંડો સાંતળતી વખતે જ મીઠું નાખ્યું છે , પછી નથી નાખ્યું કેમ કે ભીંડો ગ્રેવી માં ગયા પછી મીઠું ગ્રેવી સાથે મિક્સ થઇ જશે । તમે તમારા સ્વાદ પ્રમાણે ફરી થી ગ્રેવી માં મીઠું નાખી શકો।
રસોઈની રાણી : નિરાલી કોરાટ (અમદાવાદ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.