બ્રેડ અને ઘર ની સામાન્ય વસ્તુ માંથી બનતા આ instant સ્વાદિષ્ટ વડા , બનાવા માં ખૂબ જ સરળ છે. ના પલાળવાની જંજટ , ના વટવા ની માથાકૂટ. ઇન્સ્ટન્ટ બનતા આ વડા માં આપ મરજી મુજબ શાક ઉમેરી શકો છો. બાળકો ને સાંજ ના નાસ્તા માં , કે મહેમાનો ને જમવા માં પીરસો ..
આ વડા માં આપ ચાહો તો ચીઝ નું કે કોઈ બીજું સ્ટફિંગ કરી શકો છો.
સામગ્રી :
• 4 સ્લાઈસ બ્રેડ (સફેદ કે બ્રાઉન)
• 1/4 વાડકો ચોખા નો લોટ
• 3 મોટી ચમચી રવો
• 1 વાડકો દહીં
• 1/2 વાડકો ગાજર , ખમણેલું
• 1 ડુંગળી , બારિક સમારેલી
• 2 લીલા મરચા અને એક ટુકડો આદુ , પેસ્ટ બનાવી લેવી
• થોડા લીમડા ના પાન
• 4 ચમચી કોથમીર , બારીક સમારેલી
• 1/4 ચમચી મરી નો ભૂકો
• 1/2 ચમચી જીરા નો ભૂકો
• મીઠું
• તળવા માટે તેલ
રીત :::
સૌ પ્રથમ એક મોટા બાઉલ માં 4 બ્રેડ ની સ્લાઈસ ને કટકા કરો. હાથ થી શક્ય એટલા બારીક કટકા કરવા. આપ ચાહો તો ફૂડ પ્રોસેસોર માં પણ ભૂકો કરી શકો.
હવે એમાં ચોખા નો લોટ , રવો ઉમેરી સરસ મિક્સ કરો.
ત્યારબાદ એમાં દહીં , ગાજર, ડુંગળી, લીલા મરચા+આદુ ની પેસ્ટ, બારીક સમારેલો લીમડો, જીરા નો ભૂકો , મીઠું અને કોથમીર ઉમેરો.
હાથ થી સરસ મસળી ને લોટ જેવું તૈયાર કરો. જરૂર લાગે તો 1 2 ચમચી પાણી કે બ્રેડ નો ભૂકો ઉમેરી શકાય.
બંને હથેળી માં તેલ ના થોડા ટીપા લઇ વડા નો આકાર આપો.
તેલ એકદમ ગરમ થાય પછી જ તળવા. ગરમ તેલ માં એક બાદ એક વડા મૂકીને તળો… મધ્યમ આંચ પર કડક થાય ત્યાં સુધી તળવા …
ચટણી અને સોસ સાથે ગરમ ગરમ પીરસો … આ વડા આપ બેક પણ કરી શકો છો. 180C પર 15 થી 16 મિનિટ માટે બેક કરો..
આશા છે પસંદ આવશે..
રસોઈની રાણી : રૂચી શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.