આજે આપણે રેગ્યુલર બનતા શાક કરતા થોડું અલગ શાક બનાવીશુ અપને આજે જોઇશુ કોર્ન ચીઝ મસાલા જે બનાવામાં ખૂબ જ સરળ છે અને બનશે પણ ફટાફટ તો ચાલો રેસિપી જોઈ લઈએ.
સામગ્રી :
- ૩ ચમચી તેલ
- ૪-૫ નંગ ડુંગળી
- ૭-૮ કાજુ
- ૧ તમાલ પત્ર,
- ૧ બાદીયુ
- ૨ તજ ના ટુકડા
- ૨ ચમચી આદુ-લસણ-લીલા મરચા ની પેસ્ટ
- અડધી ચમચી હળદર ,
- અડધી ચમચી મીઠું
- ૨ ચમચી કાશ્મીરી લાલ મરચું પાઉડર ,
- ૧ ચમચી ધાણાજીરું પાઉડર ,
- અડધી ચમચી મીઠું
- ૧ ચમચી ગરમ મસાલો
- ૨ કપ ટામેટા ની પ્યુરી
- ૨ કપ બાફેલી મકાઈ ના દાણા
- ચીઝ
સૌ થી પેલા એક કડાઈ માં તેલ ગરમ કરવા મુકો તેલ ગરમ થાય એટલે તેમાં ૧ તમાલ પત્ર, ૧ બાદીયુ અને ૨ તજ ના ટુકડા નાખી ૧૦-૧૫ સેકન્ડ સુધી સાંતળી લો. હવે તેમાં ડુંગળી અને કાજુ ની પેસ્ટ નાખી દો અહીં ૪-૫ નંગ ડુંગળી અને ૭-૮ કાજુ ની પેસ્ટ બનાવી લીધી છે. ૧ મિનિટ સુધી સાંતળી લેવાનું છે , હવે તેમાં ૨ ચમચી આદુ-લસણ-લીલા મરચા ની પેસ્ટ નાખી દેવાની છે, ત્યાર બાદ અડધી ચમચી હળદર , અડધી ચમચી મીઠું નાખી મિક્સ કરી લેવાનું છે , હવે ઢાંકી દઈ ડુંગળી ની ગ્રેવી ને ૫-૬ મિનિટ સુધી ધીમા ગેસ પર ચડવા દેવાની છે.
૫-૬ મિનિટ થઇ જાય એટલે ૨ કપ ટામેટા ની પ્યુરી નાખી દેવાની છે , તેમાં ૨ ચમચી કાશ્મીરી લાલ મરચું પાઉડર , ૧ ચમચી ધાણાજીરું પાઉડર , અડધી ચમચી મીઠું નાખી બરાબર મિક્સ કરી લો , અને ઢાંકી દઈ મીડીયમ ગેસ પાર ૮-૧૦ મિનિટ સુધી કૂક કરી લેવાનું છે જેથી ટામેટા ની પ્યુરી પણ સરસ રીતે ચડી જાય .
૮-૧૦ મિનિટ જેવું થઇ જાય એટલે એકદમ થોડું એવું પાણી નાખી દો , ગ્રેવી ને સેજ ઢીલી કરવા માટે . હવે તેમાં ૨ કપ બાફેલી મકાઈ ના દાણા નાખી મિક્સ કરી લો , ૧ ચમચી ગરમ મસાલો નાખી મિક્સ કરી લો.
હવે ફરી થી ઢાંકી દઈ ૩-૪ મિનિટ સુધી કૂક થવા દેવાનું છે જેથી મકાઈ અને ગ્રેવી બંને બરાબર મિક્સ થઇ જાય. ત્યાર બાદ ૧ ચીસે ક્યુબ ખમણી લો અને મિક્સ કરી લો , થોડી ફ્રેશ કોથમીર જીણી કાપી ને મિક્સ કરી લો. બસ તૈયાર છે એકદમ ફ્લેવરફુલ ને ટેસ્ટ એવું કોર્ન ચીઝ મસાલા . પરાઠા , રોટી સાથે સર્વ કરો,;
સર્વ કરતી વખતે ઉપર ચીઝ થી ગાર્નિશ કરી લો.
રસોઈની રાણી : નિરાલી કોરાટ
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.