ક્રિસ્પી પનીર સ્ટીક્સ
ઠંડકના દિવસો માં ગરમ ગરમ નાસ્તો ચા સાથે હોય તો કેવી મજા આવે ? એવો જ નાસ્તો જે નાના મોટા સૌ ને ભાવે, પનીર સ્ટીક્સ . તાજા પનીર સ્ટીક્સ ને ઓટ્સ નું લેયર આપી તળેલા છે. ચા / કોફી સાથે પીરસો અને વાહવાહી લૂટો ..
સામગ્રી :
• ૨૫૦ gm પનીર
• ૧ વાડકો તાજું દહીં (પાણી નીતારી લેવું )
• ૧ ચમચી કસુરી મેથી
• ૧/૨ ચમચી જીરા નો ભૂકો
• ૧ ચમચી લાલ મરચું
• પોની ચમચી ગરમ મસાલો
• પોણો વાડકો ઓટ્સ
• મીઠું
• તળવા માટે તેલ
બેટર બનાવવા :
• ૧/૨ વાડકો મેંદો
• ૨ ચમચી મકાઈ નો લોટ
• ૧ ચમચી લાલ મરચું
• મીઠું
રીત :
પનીર ને લાંબી સ્ટીક માં કાપી લેવું
દહીં ને બાઉલ માં લઇ એમાં મીઠું, લાલ મરચું , જીરા નું ભૂકો, ગરમ મસાલો , કસુરી મેથી ઉમેરી સરસ મિક્ષ કરી લો . હવે એમાં પનીર ઉમેરી હળવા હાથે મિક્ષ કરો. ધ્યાન રહે પનીર તૂટી ના જાય . ૧ કલાક માટે ઢાંકી ને સાઈડ પર રાખી દો .
બેટર બનાવવા માટે ની બધી સામગ્રી ભેગી કરી, પાણી ઉમેરી પેસ્ટ બનાવો. આ પેસ્ટ બહુ જાડી પણ નહિ અને સાવ પાતળી પણ નહિ .
એક એક પનીર stick ને આ મેંદા ની પેસ્ટ માં બોળો . પછી તરત ઓટ્સ માં રગદોળો અને ગરમ તેલ માં ગુલાબી રંગ ના થાય ત્યાં સુધી તળો.
બધા જ પનીર ના સ્ટીક્સ ને આવી રીતે તળો અને ગરમા ગરમ ચટણી કે સોસ ની સાથે પીરસો…
રસોઈની રાણી : રૂચી શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.