ડાકોર ના સોફ્ટ ગોટા – હજી પણ બહારથી તૈયાર લાવીને બનાવો છો? ટ્રાય કરો આ રીત…

આજે આપણે એકદમ અલગ જ રીતે થી મસાલા કરી ને ઘરે જ ડાકોર ના સોફ્ટ ગોટા બનાવીશું.બહાર સરસ મજા નો વરસાદ આવી રહ્યો હોય તો શું ખાવાની ઈચ્છા થાય તો દાળ વડા છે,ભજીયા છે ગોટા છે ગરમા ગરમ આવું ખાવાનું મળી જાય તો જલસો પડી જાય.તો આજે આપણે ડાકોર ના ફેમસ ગોટા બનાવતા શીખી લઈશું.તો ચાલો જોઈ લઈએ કઈ રીતે બને છે.

સામગ્રી:

  • બેસન
  • વાટેલા મરી
  • વાટેલા આખા ધાણા
  • વરિયાળી
  • લાલ મરચું પાવડર
  • ધાણાજીરું પાવડર
  • હીંગ
  • મીઠું
  • તેલ
  • દહીં
  • ખાવાનો સોડા
  • ખાંડ
  • સોજી
  • હળદર
  • ગરમ મસાલો

રીત

1- જ્યારે ગોટા બનાવતા હોય ત્યારે એવું થાય કે બહાર જેવા ગોટા નથી બનતા એટલે આપણે બહાર થી જ લાવતા હોઈએ છીએ.ખાલી ખીરું કઈ રીતે બનાવવું અને મસાલો શું કરવો એ ખૂબ જ અગત્ય નું છે.જો તમે આ રીતે ખીરું બનાવશો તો એકદમ બહાર જેવા જ ગોટા બનશે.

2- હવે પહેલા ખીરું તૈયાર કરી લઈશું. હવે એક બાઉલ અડધો કપ દહીં લઈ લઈશું.હવે એક ટેબલ સ્પૂન તેલ એડ કરીશું.હવે બધું સરસ રીતે મિક્સ કરી લઈશું.હવે દહીં અને તેલ સરસ રીતે મિક્સ થઈ ગયું છે હવે તેમાં મસાલા કરી લઈશું.હવે એક ટી સ્પૂન અધકચરા વાટેલા આખા ધાણા એડ કરીશું.

3- હવે એક ટેબલ સ્પૂન મરી ને વાટી ને એડ કરીશું.મરી નો પાવડર નથી લેવાનો તેનાથી ટેસ્ટ પણ અલગ આવશે અને કલર પણ અલગ દેખાશે.ત્યારબાદ એક ટી સ્પૂન વરિયાળી એડ કરીશું.હવે બે ટેબલ સ્પૂન લાલ મરચું પાવડર નાખીશું.

4- હવે એક ટી સ્પૂન ધાણાજીરુ પાવડર એડ કરીશું.ત્યારબાદ અડધી ટી સ્પૂન હીંગ એડ કરીશું.હવે એક ટી સ્પૂન હળદર એડ કરીશું.હવે પા ટી સ્પૂન ગરમ મસાલો એડ કરીશું.ત્યારબાદ બે ટી સ્પૂન મીઠું એડ કરીશું.હવે આ મિશ્રણ ને મિક્સ કરી લઈશું.આ બધા જ મસાલા ને દહી સાથે મિક્સ કરી લેવાના છે.હવે એક ટી સ્પૂન ખાંડ એડ કરીશું.

5- ખાંડ તમારે વધારે એડ કરવી હોય તો કરી શકો છો.હવે ચપટી સોડા એડ કરીશું.બધું સરસ મિક્સ કરી લઈશું.હવે આમાં એક કપ ચણા નો લોટ એડ કરીશું.ગોટા હમેંશા કરકરા હોય છે એટલે તેના માટે આપણે ૧/૪ કપ સોજી એડ કરીશું.હવે બધું સરસ મિક્સ કરી લઈશું.

6- હવે તેમાં થોડું પાણી એડ કરીશું.ગોટા નું ખીરું છે તે એકદમ ઘટ્ટ રેડી કરવાનું છે એકદમ પાતળું પણ નઈ અને એકદમ ઘટ્ટ પણ નઈ તેવું રેડી કરી લઈશું.હવે ખીરું તૈયાર થઈ ગયું છે તો તેને અડધો કલાક રહેવા દઈશું.અને સોજી પાણી સોસી લેશે એટલે થોડું પાણી આપણે પછી એડ કરવું પડશે.

7- હવે આપણે તેલ ગરમ કરી લઈશું હવે તમે વિડિયો માં જોઈ શકો છો કે ખીરું છે તે એકદમ ઘટ્ટ થઈ ગયું છે એટલે તેમાં થોડું પાણી એડ કરીશું.લગભગ બે ટેબલ સ્પૂન.હવે બધું મિક્સ કરી લઈશું.હવે આમાં ફરી થી ચપટી સોડા એડ કરીશું.

8- હવે તેની સાથે ગરમ કરેલું તેલ છે તે એક ચમચી એડ કરીશું જેથી સોડા ઍક્ટિવ થઈ જાય હવે બરાબર મિક્સ કરી લઈશું.એકદમ સરસ રીતે ફિણી લેવાનું છે હવે તમે વિડિયો માં જોઈ શકો છો કે આ રીત નું ખીરૂ આપણે તૈયાર કરવાનું છે.

9- હવે ખીરું તૈયાર થઈ ગયું છે તો તેમાંથી મસ્ત મજા ના ગોટા ઉતારી લઈશું.સૌથી પહેલા આપણે હાથ ને પાણી વાળો કરી પછી ગોટા ઉતારી લઈશું.તેલ ને આપણે ચેક કરી લઈશું તેલ ગરમ થયું છે કે નઈ?જે તમે વિડિયો માં જોઈ શકો છો.

10- હવે આપણે ગોટા ઉતારી લઈશું.તમે વીડિયોમાં જોઇ શકો છો કે એકદમ મસ્ત ફૂલી જાય છે હવે આને ધીમા ગેસ પર ફ્રાય કરી લઈશું.તમે વીડિયોમાં જોઇ શકો છો કે એકદમ સરસ ગોટા તૈયાર થઈ ગયા છે બહાર થી એકદમ ક્રિસ્પી અને અંદર થી સરસ સોફ્ટ થઈ ગયા છે.હવે આ રીતે બીજા પણ ગોટા તૈયાર કરી લઈશું. ગરમા ગરમ ગોટા તૈયાર છે તો તેને સર્વે કરી લઈશું.તો તમે પણ એકવાર જરૂર થી બનાવજો.

વિડિઓ રેસિપી:


રસોઈની રાણી : સુરભી વસા

Youtube Link :ચેનલ સાથે જોડાવવા અહીંયા ક્લિક કરો.

Leave a comment

Your email address will not be published. Required fields are marked *