દાલગોના કોફી :-
કોફી સૌ કોઈ ને પ્રિય હોય છે અને કોફી એક તરોતાજા કરતું પીણું પણ છે. જેને પીવાથી તમારો થાક તરત જ ઉતરી જાય અને તમારો મીજાજ પણ સારો થઈ જાય.
બહારની કોફી તો યંગસ્ટર્સ ની ફેવરીટ હોય છે બહાર જેવી કોફી ઘરે કેવી રીતે બનાવી એ બધાને કન્ફ્યુઝન હોય છે ઘરમાં કોફી અને બીજી સામગ્રી તરત મળી રહેવાથી બહાર લેવા જવાની પણ કોઈ જંજંટ નહીં પડે.
મિત્રો આજે હું તમારી સાથે કોફીની એક યુનિક રેસિપી બતાવવાની છું જે સૌ કોઈને ખૂબ જ પસંદ આવશે અને હાલમાં આ કોફી ઈન્ટરનેટ પર ખૂબ જ ફેમસ થયેલી છે જેનું નામ છે દાલગોના કોફી. આ કોફીને ટીકટોક કોફી પણ કહે છે. અને ટ્રેન્ડિંગ કોફી પણ કહે છે.
દાલગોના કોફી પીવાની મજા જ કંઈક અલગ છે ગરમી ના સમયમાં રાતના ટાઈમે કાંતો બપોરે જેને ચા પીવાની ટેવ હોય તો એની જગ્યાએ જરૂર દાલગોના કોફી નો ઉપયોગ પીવામાં કરી શકાય
દાલગોના કોફીને બે રીતે બનાવી શકાય છે એક તો મશીન થી અને બીજી મશીન વગર.તો મિત્રો ચાલો જોઈએ દાલગોના કોફીની રેસિપી
સામગ્રી:-
- 1 ચમચી કોફી
- 2 ચમચી ખાંડ
- 21/2 ચમચી ગરમ પાણી
રીત:-
સ્ટેપ 1:-
સૌપ્રથમ એક વાસણમાં કોફી પાવડર ઉમેરો.
સ્ટેપ 2:-
હવે એમાં કોફી કરતાં ડબલ ખાંડ લેવાની છે એટલે કે 2 ચમચી ખાંડ નાખવી.
સ્ટેપ 3:-
ત્યારબાદ તેમાં ગરમ પાણી ઉમેરીને ચમચી થી બરાબર મિક્ષ કરો.
સ્ટેપ 4:-
આ કોફીને એક જ ડાયરેક્શન માં ખાંડ ઓગળે ત્યાં સુધી હલાવતા રહેવું.
સ્ટેપ 5:-
કોફી એકદમ સોફ્ટ અને ક્રીમી બને ત્યાં સુધી એક જ ડાયરેક્શન માં હલાવવું. આપણે આ કોફી ને ચમચી ની મદદથી બનાવીએ છીએ માટે કોફીને ક્રિમી અને સોફ્ટ બનતા 20 મિનિટ જેવું લાગશે માટે ત્યાં સુધી હલાવવું.
સ્ટેપ 6:-
હવે કોફી ક્રિમી બની ગઈ છે. તો સવિઁગ ગ્લાસ માં 2 બરફ ના ટુકડા ઉમેરીને અડધો ગ્લાસ ખાંડ વાળું ગળ્યું દૂધ ઉમેરવાનું.
સ્ટેપ 7:-
ત્યારબાદ આપણે જે સોફ્ટ અને ક્રિમી કોફી બનાવી હતી એ ઉમેરી લઈશું.
સ્ટેપ 8:-
ત્યારબાદ ચોકલેટ ને કટ કરી એના પીસ કરીને ઉપરથી ગાનિઁશ કરવું.
તો મિત્રો ખૂબજ ડેલિસિયસ એવી દાલગોના કોફી રેડી છે. આઈહોપ મિત્રો તમને પણ આ દાલગોના કોફી ની રેસિપી ગમી હશે. અને પસંદ આવી હોય તો જરૂરથી ટ્રાય કરજો
નોંધ
- પાણી ને વધારે ગરમ નથી લેવાનું . નવશેકું ગરમ પાણી લેવાનું.
- ખાંડ અને બરફ ને તમે વધઘટ કરી શકો છો.
- કોફી ક્રીમ જેવી બને પછી જ સવિઁગ ગ્લાસ માં લો.
- ગાનિઁશ કરવા માટે ચોકો ચીપ્સ અથવા તો કોફી ઉમેરી શકો છો.
રસોઈની રાણી : ડિમ્પલ પટેલ
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.