આજકાલ ના બાળકો ને જંક ફુડ વધુ ભાવતું હોય છે અને એમાં પણ રોજ ની ફરમાઇશ હોય કે કંઈક નવું બનાવો..
બાળકો ને ટીફીન માટે પણ આપી શકાય એવી ડીશ છે. મમ્મીઓ ને એ ચિંતા થતી હોય કે કેમ કરી ને હેલ્થી ફુડ આપે. આજે હું કંઈક એવી જ રેસિપી લાવી છું. જેનાથી મમ્મી અને બાળકો બંને ખુશ…
દેશી સ્ટાઇલ મૅક્રોની પાસ્તા
આ રેસિપી માં બહુ જ બધા વેજીટેબલ હોવાથી સ્વાસ્થ પણ ફાયદાકારક છે.
સામગ્રી:-
250 ગ્રામ મૅક્રોની પાસ્તા
2 ચમચી તેલ
મીઠું સ્વાદાનુસાર
પાણી તેને બાફવા માટે
2 નંગ ટામેટાં ઝીણા સમારેલા
1 નંગ ડુંગળી ઝીણી સમારેલી
1 નંગ કેપ્સિકમ ઝીણું સમારેલું (મેં ત્રણ કલર ના લીધા છે થોડા થોડા)
1 નાનું ગાજર ઝીણું સમારેલું
1/2 નાની વાડકી કોબી ઝીણી સમારેલી
2 ચમચા કોથમીર ઝીણી સમારેલી
1/2 લીંબુ
2 ચમચા તેલ વઘાર માટે
1/4 જીરું
ચપટી હિંગ
1/2 ચમચી હળદર
1 ચમચી ધાણાજીરું
11/2 ચમચી મરચું
મીઠું સ્વાદાનુસાર
રીત:-
સૌ પ્રથમ મૅક્રોની પાસ્તા કરતા 3 ગણું પાણી લઇ ને એક જાડા તળીયા વાળા તપેલા માં ઉકળવા મુકો.
એ ઊકળે એટલે એમાં તેલ અને મીઠું ઉમેરો. ત્યારબાદ મૅક્રોની ઉમેરી ધીમી આંચ પાર ચઢવા દો.
બીજીબાજુ બધા શાક સમારી ને તૈયાર કરો.
થોડીથોડીવારે મૅક્રોની ને હલાવીને ઉપર નીચે કરવી જેથી નીચે ચોંટી ના જાય.
10 – 15 મિનિટ બાદ મૅક્રોની બરાબર ચઢી ગઈ છે એ ચેક કરી ને ગેસ બંધ કરી દો. વધારાનું પાણી વધાર કરો ત્યારે જ નીકાળો.
હવે એક જાડી કડાઈ માં તેલ ગરમ કરવા મુકો. એ થાય એટલે એમાં જીરું ,હળદર અને હિંગ ઉમેરો. એમાં ડુંગળી નાખી એક મિનિટ માટે તેજ આંચ પર સાંતળો. પછી એમાં બધા શાક ( કોથમીર સિવાય) અને મસાલા ઉમેરો અને બરાબર મિક્સ કરો. બધું જ તેજ આંચ પર 1 મિનિટ જેટલું સાંતળો..
હવે મૅક્રોની માંથી વધારાનું પાણી કાઢી ને કડાઈ માં શાક સાથે મિક્સ કરો .. લીંબુ ઉમેરી ને મિક્સ કરો.
2 મિનીટ ઢાંકી ને પકાવો. કોથમીર ઉપર થી છાંટી દો.
તૈયાર છે ઝટપટ દેશી સ્ટાઇલ વેજીટેબલ મૅક્રોની પાસ્તા
આ મૅક્રોની ને બાઉલ નિકાળી ને સોસ અને ચીઝ થી ગાર્નિશ કરી ને ગરમ ગરમ સર્વ કરો..
નોંધ:-
– શાકભાજી એકદમ ઝીણા સમારવા.
– તેલ માં ઓલિવ ઓઇલ હોય તો એ પણ ઉપયોગ કરી શકાય.
– લીંબુ ખટાશ મુજબ વધુ કે ઓછું ઉમેરવું.
– તમને ગમતાં શાક પણ ઉમેરી શકો.
– સોસ અંદર પણ ઉમેરી શકાય.. પણ બહાર નો સોસ જેટલો બાળકો ઓછો ખાય એટલું સારું એટલે ગાર્નિશ કરવા માં જ ઉપયોગ કર્યો છે.
– મૅક્રોની બરાબર ચઢવા દેવી જેથી કાચી ના રહી જાય.
રસોઈની રાણી : જલ્પા મિસ્ત્રી (અમદાવાદ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.