ફૂડ કરિશ્મા – ઘી મેજીકલ કિચનમાં આજે કરિશ્મા પંડયા યુરોપથી સૌને શીખવશે નાયલોન ખમણ માત્ર ગુજરાતમાં જ નહિ પણ આખા દેશ વિદેશમાં બધે જ પ્રખ્યાત છે. એકદમ જાળીદાર અને મોઢામાં મૂકતા જ ઓગળી જઈ એવા નાયલોન ખમણ બનવા બોઉં જ ઈસી છે. જો તમને લોટનો પરફેક્ટ માપ ખબર હોય અને કેટલી વાર ખમણને બાફવા એ પણ ખબર હોય અને આ રસદાર ખમણ બનાવા માટે સ્પેશિયલ વઘાર કરવો પડે છે. જો આ રેસિપીને ફોલ્લોવ કરીને બનાવશો તો તમારા ખમણ એકદમ ગરમાગરમ ટેસ્ટી સ્વાદિષ્ટ અને સોફ્ટ અને સ્પોનજી ચટાકેદાર બનશે. એકવાર બનાવીને ચાખશો તો વારંવાર ઘરે જ બનાવાનું મન થશે. ઘરમાં નાના મોટા સૌઉને બોઉં જ ભાવશે. એકવાર ઘરે અચૂકથી બનાવજો. વિડીયોને છેલ્લે સુધી જોજો. કોમેન્ટમાં જણાવજો તમને રેસિપી કેવી લાગી???
સામગ્રી :
ખીરા માટે –
- ૧.૫ કપ ચણા નો લોટ
- ૩ ટેબલ સ્પૂન ખાંડ
- ૧ ટી સ્પૂન મીઠું
- ૧ ટી સ્પૂન લીંબુ ના ફૂલ
- ૧ ટેબલ સ્પૂન તેલ
- ૧/૨ ટી સ્પૂન ખાવા નો સોડા
વઘાર માટે –
- ૧.૫ ટેબલ સ્પૂન તેલ
- ૧.૫ ટી સ્પૂન રાઈ
- ૧/૪ ટી સ્પૂન હિંગ
- ૫ થી ૬ લીમડા ના પાન
- ૩ લીલા મરચા સમારેલા
- ૧ કપ પાણી
- ૨ ટેબલ સ્પૂન ખાંડ
- ૧/૨ ટી સ્પૂન મીઠું
રીત :
૧. ચણા ના લોટ ને એક વાસણ માં ચાલી લેવો.
૨. હવે બીજા વાસણ માં ૧ કપ પાણી, મીઠું, ખાંડ અને લીંબુ ના ફૂલ ઉમેરી ને ઓગળી ના જાય ત્યાં સુધી હલાવતા રેહવું.
૩. પાણી કાચ જેવું થઇ જાય એટલે એમાં ચણા નો લોટ ભેળવી દેવા નો છે.
૪. ચણા નો લોટ બે ભાગ માં ભેળવવો જે થી કરી ને ગાંઠો ના પડે.
૫. લોટ બરોબર ભળી જાય એટલે એમાં ૧ ટેબલ સ્પૂન તેલ ઉમેરી દેવું.
૬. બીજી બાજુ ઢોકળીયા માં ખમણ માટે નું વાસણ તેલ લગાડી ને ગરમ કરવા મૂકી દેવું.
૭. હવે વાસણ ગરમ થઇ જાય એટલે ૧/૪ કપ પાણી માં ૧/૨ ટી સ્પૂન સોડા મિક્સ કરી ને ખીરા માં ઉમેરવું.
૮. ખીરા ને એક જ દિશા માં હલાવવા નું છે. ૧.૫ મિનિટ જેવું ખીરું હલાવવું જે થી કરી ને એ ડબલ સાઈઝ માં થઇ જાય.
૯. હવે આ ખીરું ખમણ માટે ના વાસણ માં ઉમેરી ને ઢાકી ને મધ્યમ આંચ પર ૨૦ મિનિટ માટે વરાળે બાફવું.
૧૦. ખમણ વરાળે બને ત્યાં સુધી ૩ થી ૪ વખત એની ઉપર ઢાકેલા ઢાંકણા પર જે વરાળ નું પાણી ભેગું થાય એ લૂછતાં રેહવું.
૧૧. ખમણ થઇ જાય એટલે થોડી વાર તપેલા માં જ રહેવા દઈ ને પછી એને બહાર કાઢી ને ૩૦ મિનિટ ઠંડા થવા દેવા.
૧૨. સાવ ઠંડા થઇ જાય એટલે એક ચપ્પુ ની મદદ થી સાઈડ માં થી છુટા કરી ને એક પ્લેટ માં કાઢી લો.
૧૩. હવે વઘાર માટે તેલ ગરમ કરી ને રાઈ ઉમેરો.
૧૪. રાઈ તતડે એટલે હિંગ, લીમડા ના પાન, લીલા મરચા અને તલ ઉમેરો.
૧૫. હવે એમાં પાણી ઉમેરો. મીઠું અને ખાંડ ઉમેરી ને ૩ મિનિટ જેવું ઉકાળવા દો.
૧૬. ત્યાં સુધી ખમણ પૂર કોથમીર ભભરાવો.
૧૭. ઉપર થી વઘાર રેડી દો.
૧૮. ખમણ ને મરચા અને કઢી સાથે પીરસો.
વિડિઓ રેસિપી :
રસોઈની રાણી : કરિશ્મા પંડ્યા
Youtube Link :ચેનલ સાથે જોડાવવા અહીંયા ક્લિક કરો.
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.