આજે હું તમને આપણા રૂટીન માં બનતી મગ પીળી દાળ એકદમ સરળ રીત થી બનાવતા શીખવાડવાની છું ,આજે આપણે આ દાળ ને માઇક્રોવેવ માં કેવી રીતે બનાવવી તે જોઈશું જેમાં તમારે દાળ ને પહેલા બાફ્વાની પણ જરૂર નથી અને ફક્ત ૧૦ મિનીટ માં આ મગ ની દાળ બનીને તૈયાર થઈ જશે અને એ પણ એકદમ સરસ છૂટી તો હવે તમારે બાળકોને સવારે લંચ બોક્ષ માં કે હસબન્ડને ટીફીન માં બનાવીને આપવી છે તો ફટાફટ બનાવીને આપી શકશો.
સામગ્રી
- – ૧ કપ મગ ની મોગર દાળ
- – ૧/2 કપ જેટલું પાણી
- – ૨ ચમચી તેલ
- – ૧/૨ ચમચી રાઈ
- – ચપટી જીરું
- – થોડી હિંગ
- – ૧ ચમચી મરચું
- – ૧/૪ ચમચી ધાણાજીરું
- – મીઠું.
- – મરચાં ની પેસ્ટ
રીત :
સ્ટેપ :1
મગ ની દાળ ને ૨-૩ વાર ધોઈ થોડી વાર પલાળીને રાખો.જેથી જલ્દી ચડી જશે અને કૂક થતા વાર પણ નહિ લાગે .
સ્ટેપ :2
માઇક્રોવેવ બોવેલ માં તેલ ગરમ કરવા મુકો .આ તેલ તેલ માં રાઈ , જીરું ,હિંગ અને મરચાં ની પેસ્ટ ઉમેરી 1 મિનિટ માટે માઇક્રો કૂક કરો .
સ્ટેપ :3
પાણી વગર મગ ની દાળ એડ કરો.તેમાં મસાલા કરી મિક્ષ કરી લો.હવે એમાં પાણી એડ કરો અને પછી 9-10 મિનિટ માટે માઇક્રો કૂક કરો .પછી 5 મિનિટ ના રેસ્ટ પછી આ રીતે દાળ સરસ રીતે બનીને તૈયાર થઈ જશે ૫ મિનીટ પછી વરાળ થોડી ઓછી થાય એટલે એને એકવાર હલાવી લો
સ્ટેપ :4
હવે આપણી મગ ની દાળ બનીને તૈયાર છે.અને ગરમ રોટલી ,પરાઠા સાથે સર્વ કરો ..
નોંધ :
– જો તમારી પાસે માઇક્રો વેવ ના હોય તો કૂકર માં 2 સિટી વગાડી શકો છો .
રસોઈની રાણી : દિગના રૂપાવેલ (બરોડા)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.