મસાલેદાર ભીંડી
મસાલા વાળા ભરેલા શાક નો જાદુ જ કઈ જુદો હોય છે … એમાય ભીંડા મને બહુ વાહલા એટલે મસાલા વાળા ભીંડા નું તો પૂછવાનું જ શું. સાથે ગરમ રોટલી , ખાટી મીઠી દાળ હોય એટલે બસ. મોહ માં પાણી આવ્યું ને ??? જોકે શિયાળા ની ઋતુ માં સરસ કુણા ભીંડા મળે. નાના નાના ભીંડા ને ભરવા ની મજા જ કઈ ઔર છે ..
ચાલો જોઈએ રીત ..
સામગ્રી :
૫૦૦ગ્રામ તાજા કુણા ભીંડા
૫-૬ મોટી ચમચી તેલ
પોની ચમચી હિંગ
૧/૪ ચમચી હળદર
ચપટી ખાંડ
થોડી જીણી સમારેલી કોથમીર
મસાલા માટે :
પોણો વાડકો ચણા નો લોટ
૩ ચમચી સફેદ તલ
૨ ચમચી વરીયાળી
૧/૨ ચમચી આમચૂર (ના હોય તો છેલ્લે લીંબુ નો રસ ઉમેરવો )
૧/૨ ચમચી ચાટ મસાલો
૨ ચમચી લાલ મરચુ
૧ ચમચી હળદર
૨ ચમચી ધણાજીરું
૧/૨ ચમચી જીરા નો ભૂકો
૩ ચમચી ખમણેલું સુકું ટોપરું
1 બ્રેડ ટોસ્ટ નો ભૂકો
મીઠું
૨-૩ ચમચી તેલ
રીત :
સૌ પ્રથમ ભીંડા ને ધોઈ, લુછી સાફ કરી લો . આગળ થી પાછળ થી કાપી લો . વચ્ચે થી ચીરી લાંબા કાપી લો . તમે અડધો ચીરો કરી મસાલો અંદર ભરી પણ શકો . ભીંડા નાના અને કુણા પસંદ કરવા જેથી અંદર બીયા બહુ ના હોય …
એલ્યુમીનીયમ ની કડાય માં તલ અને વરીયાળી ગરમ કરો . એમાં ચણા નો લોટ ઉમેરી શેકો . લોટ ધીમા તાપે કલર ગુલાબી થાય એટલો શેકવો..
ગસ બંધ કરી લોટ ગરમ ત્યારે જ એમાં બધો મસાલો નાખી દો. ઠંડુ પડે એટલે તેલ ઉમેંરી સરસ મિક્ષ કરી લો .
non stick કડાય માં તેલ ગરમ કરો . હિંગ નાખી કાપેલા ભીંડા ઉમેરો . મીઠું , હળદર અને ખાંડ ઉમેરો . મીઠું સાચવી ને ઉમેરવું કેમ કે આપણે મસાલા માં પણ નાખ્યું છે . થોડું હલાવી ઢાંકી દો અને ભીંડા ને ચડી જવા દો . વચ્ચે વચ્ચે હલાવતા રેહવું . ભીંડા ઉભા સમારેલા છે એટલે ફટાફટ થઇ જશે . થઇ જાય એટલે મસાલો ઉમેરી મિક્ષ કરી લો. ત્યારબાદ એક ટોસ્ટ નો હાથ થી ભૂકો કરી ઉમેરો.. જરૂર લાગે તો મસાલા ઉપર એકાદ ચમચી પાણી ઉમેરી ૧-૨ min ગસ પર રાખો .
કોથમીર ભભરાવો અને ગરમ ગરમ પીરસો …
રસોઈની રાણી : રૂચી શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.
વિડિઓ રેસિપી જોવા અહીં ક્લિક કરો