રાઈસ ચપાતી ચીઝ સેન્ડવીચ
સામગ્રી:
ચોખા નો લોટ- 1 વાટકી
મેંદો – અડધી વાટકી
બાફેલા બટાકા-2 નાની સાઈઝ ના
ટામેટું – 1
ડુંગળી – 1
સીમલા મરચું – 1
ગાજર – 1
પીઝા સોસ જરૂર મુજબ
મેયોનીઝ જરૂર મુજબ
બટર-2 ચમચી
ચાટ મસાલો જરુર મુજબ
ચીજ જરુરમુજબ
મીઠુ – સ્વાદ મુજબ
લીલી ચટણી (ફુદીનો, કોથમીર, સિંગદાણા, લીલા મરચા, મીઠું નાખીને બનાવી લેવી.
રીત:
સ્ટેપ 1:સૌ પ્રથમ ચોખા નો લોટ મેંદો મીક્ષ કરી તેમાં મીઠું નાખી રોટલી નો લોટ તૈયાર કરી ને મોટી ચાર રોટલી બનાવી લો.
સ્ટેપ 2: 1 રોટલી પર ચટણી લગાવી. બાફેલા બટાકા અને શિમલા મરચા ના ગોળ પીસ કરી ને મુકો. ઉપર ચપટી મીઠું અને ચાટ મસાલો ભભરાવો. તેની પર છીણેલુ ચીઝ નાખો.
સ્ટેપ 3:હવે તેની પર બીજી રોટલી મુકી પીઝા સોસ લગાવી.ગાજર નુ છીણ અને ટામેટાં ના ગોળ પીસ કરી મુકી ચપટી મીઠુ ને ચાટ મસાલો ભભરાવો. ઉપર છીણેલુ ચીજ નાખો.
સ્ટેપ 4: હવે તેની પર ત્રીજી રોટલી મુકી ચટણી લગાવી. મેયોનીઝ લગાવી. ડુંગળી ને ગોળ કાપી ને મુકી તેની પર ચાટ મસાલો નાખી છીણેલુ ચીજ નાખો.
સ્ટેપ 5: હવે તેની પર ચોથી રોટલી મુકી સેન્ડવીચ તૈયાર કરો.
સ્ટેપ 6 :હવે એક પેન મા બટર નાખી ગરમ કરી રોટલી સેન્ડવીચ ને મુકો. ઉપર થી ઢાંકી ને ધીમા તાપે 2 મીનીટ માટે મુકી ગુલાબી થાય ત્યાં સુધી થવા દો. બીજી બાજુ પલટાવી ને ઢાંકી ને થવા દો.
સ્ટેપ 7:તૈયાર થઈ જાય એટલે કટ કરી સર્વિગ પ્લેટ મા સોસ ને ચટણી સાથે સર્વ કરો.
નોંધ : આ રેસીપી મા તમે ઘઉં ની ગરમ અથવા વધેલી રોટલી નો પણ ઉપયોગ કરી શકો છો.
રસોઈની રાણી : મીતા જૈન
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.