મિત્રો મોટા ભાગના લોકો કેરી માથી સ્વીટ ડીશ જ બનાવતા હોય છે પરંતુ મે આજે કેરી ના ભજીયા બનાવ્યા છે. જે ખાવા મા એકદમ નરમ હોવાથી નાના- મોટા બધા ખાઇ શકે છે. મોટી ઉંમરે દાંત ની તકલીફ હોય તો પણ આરામ થી આ ભજીયા ખાય શકે છે. મે પહેલી વાર બનાવ્યા છે અને મારા ઘરના બધા જ સભ્યોએ હોંશે હોંશે ખાધા છે તો મિત્રો તમે પણ ચોકકસ બનાવીને કેજો ખૂબજ સરસ લાગશે.
● સામગ્રી :-
1 વાટકી ચણા નો લોટ
1 નંગ પાકી કેરી
નમક સ્વાદ મુજબ
ચપટી ખાવા નો સોડા
ચપટી અજમો
પાણી જરૂર મૂજબ
તળવા માટે તેલ
● રીત :-
સ્ટેપ -1
સૌ પ્રથમ તો એક કઢાઈ મા તેલ ગરમ મૂકી દો.
સ્ટેપ -2
હવે ચણા ના લોટ મા નમક, અજમો, ખાવા નો સોડા નાખી પાણી થી ખીરૂ જેવો લોટ બાંધવો.
સ્ટેપ -3
કેરી ની છાલ ઉતારી નાના ટુકડા કરી લેવા.
સ્ટેપ -4
હવે કેરી ના ટુકડા ને બનાવેલ ખીરૂ મા ડીપ કરી તેલ મા તળવા. બદામી રંગ ના કરવા.
સ્ટેપ -5
હવે ભજીયા રેડી થઇ ગયા છે તો સોસ અને લીલી ચટણી સાથે સવઁ કરો.
સ્ટેપ -6
લીલી ચટણી માટે કાચી – પાકી કેરી ને ક઼શ કરી હળદળ,નમક,ખાંડ નાખી સહેજ પાણી નાખી ઉકાળી લો. ટમેટો સોસ રેડી છે.
● નોંધ :-
ખાવા નો સોડા ની જગ્યાએ ઈનો નાખી શકાય.મે કેરી ના ભજીયા સાથે કેરી ની જ લીલી ચટણી બનાવી છે. તમે તમારા સ્વાદ મુજબ બીજી કોઈ ચટણી બનાવી શકો.
કેરી ના ભજીયા મહેમાનો ને ખવડાવશો તો એમને પણ કંઈક નવું લાગશે.
સ્પર્ધક : લીના વસંત.
તમને આ રેસીપી કેવી લાગી તેનો અભિપ્રાય જરૂરથી આપજો, રસોઈની રાણીની આ ખાસ સ્પર્ધામાં ભાગ લેવા માટે અભિનંદન.
દરરોજ અવનવી વાનગી માટે લાઇક કરો અમારું પેજ – રસોઈની રાણી.