ઇજિપ્તમાં પુરાતત્ત્વવિદોએ હાલની રાજધાની કૈરોની નજીક એક પ્રાચીન ભૌતિક સ્થળ હેલીઓપોલિસમાં સૂર્ય મંદિરમાં પ્રાચીન રાજવંશોની તૂટેલી મૂર્તિઓ શોધી કાઢી છે.ઇજિપ્તના પ્રવાસન અને પુરાતત્વ મંત્રાલયે 20 માર્ચે જારી કરેલા નિવેદનમાં જણાવ્યું હતું કે, પથ્થરના ટુકડાઓમાં રામસેસ II, રામસેસ IX, હોરેમહેબ અને પસામટિક IIની મૂર્તિઓ છે.
ઇજિપ્તમાં ઘણા સ્થળોએ સૂર્ય મંદિરો જોવા મળે છે અને તે મુખ્યત્વે પ્રાચીન ઇજિપ્તના સૂર્ય દેવને સમર્પિત છે પરંતુ હેલીઓપોલિસના સૂર્ય મંદિરનું વિશેષ મહત્વ હતું. હેલિયોપોલિસ એ ગ્રીક નામ છે અને ઇજિપ્તમાં તેને ઇયુનુ કહેવામાં આવતું હતું. પ્રાચીન ઇજિપ્તીયન ધર્મ અનુસાર, હેલીઓપોલિસ એ સ્થાન છે જ્યાં પ્રથમ સૂર્યોદય સાથે વિશ્વની રચના કરવામાં આવી હતી. જર્મન પુરાતત્વ સંસ્થાનના કૈરો વિભાગના ડાયરેક્ટર ડીટ્રીચ રાઉએ આ માહિતી આપી.
રાઉએ કહ્યું હતુ કે આ તે સ્થાન છે જે શાહી પરિવાર અને સૂર્ય ભગવાન સાથે સંકળાયેલું છે. રાઉ અહેવાલ આપે છે કે રાજાઓએ તેમના શાસનને કાયદેસર બનાવવા અને સૂર્યદેવનું સન્માન કરવા માટે હેલિઓપોલિસ ખાતે મૂર્તિઓ, ઓબેલિસ્ક અને અન્ય બાંધકામો બનાવ્યા હતા. ઈજિપ્તના કોઈ પણ શાસકે સૂર્યદેવના આશીર્વાદ વિના પદ પર રહેવું જોઈએ નહીં.તાજેતરના સમયમાં જે શિલ્પો મળી આવ્યા છે તેમાં સ્ફિન્ક્સ પર રાજાઓના માથા જોવા મળે છે. એટલે કે, આ તે મૂર્તિઓ છે જે સૂર્ય મંદિરના દરવાજા આગળ અથવા ઓબેલિસ્કની નજીક મૂકવામાં આવી હતી. અમુક સમયે આ મૂર્તિઓનો નાશ કરવામાં આવ્યો હતો અને પછી તેનો ઉપયોગ નિર્માણ માટે કરવામાં આવ્યો હતો.
ઇજિપ્તના અબુ ગુરાબમાં એક સૂર્ય મંદિર પર સંશોધન કરી રહેલા માસિમિલિઆનો નુઝોલોના જણાવ્યા અનુસાર, જે પણ શિલ્પો મળી આવ્યા છે તે ખૂબ જ મહત્વપૂર્ણ છે. આ મૂર્તિઓની મદદથી અનેક પ્રકારની માહિતી મેળવી શકાય છે. તેમણે કહ્યું કે ફારુન-સ્ફિન્ક્સની શોધ બીજી અને પ્રથમ હજાર સદીના શાસકોની ઇચ્છા દર્શાવે છે.