તલ શીંગદાણા ની સુખડી – નવરાત્રી સ્પેશિયલ વ્રત કે ઉપવાસમાં ખવાય એવી આ સુખડી જરૂરથી ટ્રાય કરો

તલ અને શીંગદાણા ની ફરાળી સુખડી:- નવરાત્રી સ્પેશિયલ વ્રત કે ઉપવાસમાં ખવાય એવી આ સુખડી જરૂરથી ટ્રાય કરો

• સુખડી તો બધા બનાવતા જ હોય છે અને બધા ની ફેવરિટ પણ હોય છે. સુખડી આપણે ઘઉં ના લોટ ની , બાજરી ના લોટ ની એમ અલગ અલગ બનાવીએ છીએ. તો આજે હું ઉપવાસ માટે ની સ્પેશિયલ ફરાળી તલ અને શીંગદાણા ની સુખડી બનાવીશ .અને નવરાત્રીના આ તહેવાર માં તમારા દરેકના જીવનમાં સુખ, શાંતિ અને સમૃદ્ધિ લાવે એવી માતાજીને પ્રાર્થના.તો આ સુખડી બનાવવા માટેની સરળ અને પરફેક્ટ રેસિપી જોઈશું. આ સુખડી ને માતાજીને પ્રસાદમાં પણ ધરાવી શકાય છે. તમે ઉપવાસમાં કે પછી કોઈપણ નાના મોટા પ્રસંગે બનાવી શકો છો. તો આ સુખડી એકદમ પોચી બને છે અને ખૂબ જ ટેસ્ટી લાગે છે. તો ચાલો ફટાફટ શીખી લઈએ તલ અને શીંગદાણા ની સુખડી.

• રેસીપીના બીજા નવા નવા વિડિયો જોવા માટે Prisha Tube ચેનલને સબ્સ્ક્રાઇબ જરૂરથી કરો. અને આ રેસિપી નો વિડિઓ તમે અહીંયા જોઈ શકો છો.

સામગ્રી :-

  • • ૧ બાઉલ શેકેલા શીંગદાણા
  • • ૧ બાઉલ શેકેલા તલ
  • • ૧ બાઉલ ઘી
  • • ૧ મોટો બાઉલ સમારેલો ગોળ

રીત:-

• સ્ટેપ ૧:- સૌપ્રથમ શીંગદાણા અને તલને ગેસની ધીમી આંચ પર શેકી લેવા. આને ઠંડા થવા માટે મુકી દો.

• સ્ટેપ ૨:- શીંગદાણા ઠંડા થઈ જાય ત્યારે તેનાં પરનાં ફોતરાં કાઢી નાખવા. અને મિક્ષ્ચર જારમાં પહેલાં શીંગદાણા ને ક્રશ કરીશું. અને પછી તલ ને પણ ક્રશ કરી લો.

• સ્ટેપ ૩:-હવે એક મોટી કઢાઈમાં ઘી લઈને ગરમ કરવા મૂકવું. ઘી ગરમ થાય એટલે તેમાં ગોળ નાખી તાવેતાથી સારી રીતે શેકી લેવું.

• સ્ટેપ ૪:- હવે ગોળ અને ઘી નો પાયો સારી રીતે શેકાઈ જાય ત્યારે તેમાં ક્રશ કરેલા શીંગદાણા અને ક્રશ કરેલા તલ ઉમેરો અને સારી રીતે મિક્સ કરી લો.અને ગેસ બંધ કરી દો.

• સ્ટેપ :-૫ હવે એક થાળીમાં ઘી લગાવી લો. અને સુખડી ને પાથરી દેવી.

• સ્ટેપ ૬:- હવે સુખડી ના પીસ કરીને સવૅ કરીશું .

તો વ્રત કે ઉપવાસ માટેની ફરાળી સુખડી તૈયાર છે.આઈહોપ મિત્રો તમને પણ મારી આ રેસિપી ગમી હશે.

નોંધ :-

  • • ગોળ અને ઘી ને તમે વધઘટ કરી શકો છો.
  • • શીંગદાણા અને તલને અધકચરા ક્રશ કરવા.
  • • શીંગદાણા અને તલને ગેસ ની ધીમી આંચ પર જ શેકવા.

રસોઈની રાણી : ડિમ્પલ પટેલ

મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…

દરરોજ અવનવી વાનગી માટે લાઇક કરો અમારું પેજ – રસોઈની રાણી.

Join the discussion

Your email address will not be published. Required fields are marked *