રોજબરોજ ની ફાસ્ટ લાઈફ માં જ્યારે ટાઈમ ના હોય તો પણ આ પ્યુરી બહુ કામ આવે છે. અચાનક ગેસ્ટ આવે તો પણ પંજાબી સબ્જી બનાવામાં બહુ સરળ રહે છે.
જો આપણે ટામેટાં નું પ્યુરી બનાવી ને રાખી લઈએ તો એને આપણે પછી પણ શાક, દાળ, ગ્રેવી , પિઝા અને પાસ્તા માં ઉપયોગ માં લઇ શકીએ છે …ખાસ કરી ને ઉનાળા ની સિઝન માં.. બહુ જ સરળ રીત છે
ટામેટાં ની પ્યુરી ની સાચવણી
સામગ્રી:-
ટામેટાં
બરફ
પાણી
ચારણી
બાઉલ
બરફ ની ટ્રે
રીત:-
સૌ પ્રથમ ટામેટાં લો. અને ધોઈ ને ચોખ્ખા કરી લો. અને ઉંધી બાજુ એ + આકાર માં કટ કરો (ફોટો માં બતાવ્યા મુજબ)
એક મોટું વાસણ જેમાં ટામેટાં ડુબી શકે એમાં પોણા ભાગ નું પાણી ભરો અને ઉકળવા મુકો.
ઊકળે એટલે કટ મુકેલા ટામેટાં પાણી માં નાખો. 1 મિનીટ જેટલું ગરમ પાણી માં રહેવા દો. પછી એમાંથી નીકાળી ને બરફ ના ઠંડા પાણી માં નાખી દો. એમાં પણ એક મિનીટ રાખો ..
હવે ઠંડા પાણી માંથી નીકળી ને એની છાલ નીકાળી લો. પછી કટ કરી ને એને મિક્સર જાર માં નાખો.
આ ટામેટાં ને મિક્સર માં ક્રશ કર્યા બાદ મિડિયમ કાણા વાળી ચારણી માં ગાળી લો.
ટામેટાં પ્યુરી તૈયાર છે. આ પ્યુરી ને બરફ ની ટ્રે માં ભરી ને ફ્રીઝર માં મુકો.
12-15 કલાક બાદ ટ્રે નીકાળી ને ટામેટાં પ્યુરી ના કટકા નીકાળી લો.
આ ટામેટાં પ્યુરી ના કટકા ને ઝિપલોક બેગ માં અથવા એર ટાઈટ ડબ્બા માં ભરી દો. અને ફ્રીઝર માં મૂકી દો.
હવે જ્યારે જેટલા જોઈએ એટલા ફ્રીઝર માંથી નીકાળી ને ઉપયોગ માં લો.
નોંધ:-
ટામેટાં પોચા હોય એવા ના લેતા કડક લાલ હોય એવા પસંદ કરવા.
જેટલી જરૂર હોય એટલા જ ક્યુબ ફ્રીઝ માંથી બહાર કાઢવા.
કેમ કે એકવાર નીકળેલા ક્યુબ પાછા ફ્રીઝ માં નહીં મુકવા.
તમને બરફ ની ટ્રે માં ના મુકવા હોય તો નાની નાની વાડકી માં પણ મૂકી ને સેટ કરી શકો.
રસોઈની રાણી : જલ્પા મિસ્ત્રી (અમદાવાદ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.