ભોજપુરી સિનેમાની જાણીતી અભિનેત્રી આકાંક્ષા દુબેના મોતથી સૌના પગ નીચેથી જમીન ખસી ગઈ છે. દરેક વ્યક્તિ એ સમજવાની કોશિશ કરી રહી છે કે આકાંક્ષા દુબેએ આવું પગલું કેમ ભર્યું. આખરે તેની શું મજબૂરી હતી કે તેણે મોતને ભેટી. આકાંક્ષા દુબેનો મૃતદેહ રવિવારે વારાણસીમાં એક હોટલના રૂમમાં પંખા સાથે લટકતી હાલતમાં મળી આવ્યો હતો. પરંતુ આ મોટું પગલું ભરતા પહેલા આકાંક્ષા દુબે કદાચ કંઈક કહેવા માંગતી હતી.
કદાચ તે પોતાના મનની વાત બધાને કહેવા માંગતી હતી. આ અમે નથી કહી રહ્યા પરંતુ સોશિયલ મીડિયા યુઝર્સ. કારણ કે મૃત્યુના થોડા કલાકો પહેલા આકાંક્ષા દુબે ઈન્સ્ટાગ્રામ પર લાઈવ આવી હતી. આકાંક્ષાના મોત પહેલાનો વીડિયો ઈન્ટરનેટ પર ઘણો વાયરલ થઈ રહ્યો છે. 2 મિનિટ 20 સેકન્ડના આ વીડિયોમાં આકાંક્ષા દુબેના ચહેરા પર મુશ્કેલી અને નિરાશા બંને સ્પષ્ટપણે જોઈ શકાય છે.
Bhojpuri actress #akankshadubey Committed Suicide in a hotel in #banaras
Last night live video viral on #socialmedia #akankshadubey #UPPolice #bhojpuriactress #bhojpuri #BhojpuriTwitter #Varanasi #viralvideo #viral2023 pic.twitter.com/ODxAuWE1HV— koshi Today (@TodayKoshi) March 26, 2023
આકાંક્ષા દુબેએ વીડિયોમાં કંઈ કહ્યું નથી. પરંતુ તે કહ્યા વિના, તેણી તેની સમસ્યાઓ દરેક સુધી પહોંચાડવાનો પ્રયાસ કરતી જોવા મળી હતી. વીડિયોમાં તે રડતી જોવા મળી રહી છે. વીડિયોના અંતે, આકાંક્ષા દુબે કેમેરાથી દૂર જતી રહે છે. જે બાદ તેણે હોટલના પંખા સાથે લટકીને જીવનનો અંત આણ્યો હતો. ભોજપુરી અભિનેત્રીની લાશ પોલીસને લટકતી હાલતમાં મળી આવી હતી. પોલીસે આ મામલે તપાસ શરૂ કરી છે અને મૃતદેહનો કબજો પણ લઈ લીધો છે.
પ્રાપ્ત માહિતી અનુસાર, આકાંક્ષા દુબે શુક્રવારના રોજ તેનું શૂટિંગ પૂર્ણ કરીને હોટલ પહોંચી હતી. તે પછી શું થયું તેની કોઈને ખબર નથી. રવિવારે તેનો મૃતદેહ મળી આવ્યો હતો. રિપોર્ટ અનુસાર જ્યારે મેક-અપ મેને આકાંક્ષાને ફોન કર્યો તો તેણે ફોન ઉપાડ્યો નહીં. જે બાદ મેક-અપ મેન સીધો હોટલ પહોંચ્યો હતો. જ્યારે હોટલના લોકો સાથે પૂછપરછ કરવામાં આવી તો જાણવા મળ્યું કે આકાંક્ષા દુબેએ ન તો કોઈ ઓર્ડર આપ્યો હતો અને ન તો તે રૂમમાંથી બહાર નીકળી હતી. જે બાદ પોલીસ બોલાવવામાં આવી હતી અને આકાંક્ષાના મૃતદેહને બહાર કાઢવામાં આવ્યો હતો.