ઘણી વખત રોડની વચ્ચોવચ જઈ રહેલા હાઈસ્પીડ વાહનો બાજુમાં આવતા વાહનો માટે સમસ્યા બની જાય છે. આજે સોશિયલ મીડિયામાં આવો જ એક વીડિયો જોવા મળ્યો. જેમાં તેજ ગતિએ જઈ રહેલી એક કાર અચાનક હવામાં ઉછળતી જોઈ શકાય છે.આ વિડિયો જોઈને તમને હંમેશ આવી જશે, કારણ કે આ કાર તેની બાજુમાં પસાર થઈ રહેલી હાઈસ્પીડ મીની ટ્રકના વ્હીલને કારણે હવામાં પલટી ગઈ હતી. આ વીડિયો અમેરિકાના લોસ એન્જલસનો જણાવવામાં આવી રહ્યો છે.
Shocking moment car is launched 10 feet into air after being hit by stray loose tyre pic.twitter.com/vAK66BNKxR
— The Sun (@TheSun) April 11, 2023
આ વીડિયો ગયા મહિને એટલે કે માર્ચ મહિનામાં લોસ એન્જલસ ફ્રીવે પર થયેલા અકસ્માતનો છે. જો કે, સારી વાત એ છે કે આ અકસ્માતમાં કોઈએ જીવ ગુમાવ્યો નથી. આ વીડિયો બ્રિટિશ અખબાર ધ સન દ્વારા તેના ટ્વિટર એકાઉન્ટ પરથી શેર કરવામાં આવ્યો છે. જેને અત્યાર સુધીમાં 7 લાખ 70 હજારથી વધુ વખત જોવામાં આવ્યો છે. આ સાથે જ આ વીડિયોને અત્યાર સુધી ઘણી લાઈક્સ અને રીટ્વીટ મળી ચુકી છે.
વીડિયોમાં જોઈ શકાય છે કે લોસ એન્જલસ ફ્રીવે પર તમામ વાહનો ખૂબ જ ઝડપે જઈ રહ્યા છે. એક કાર પણ ઝડપથી જઈ રહી છે. દરમિયાન તેમની પાસેથી એક મીની ટ્રક પસાર થાય છે. ત્યારે જ મીની ટ્રકનું એક આગળનું વ્હીલ નીકળીને કારની સામે આવે છે. કારની સામે વ્હીલ આવતાની સાથે જ કાર હવામાં દસ ફૂટ ઉછળે છે અને પછી જમીન પર ફરીને સીધી થઈ જાય છે. જ્યારે મીની ટ્રક આગળ જઈને ડિવાઈડર પાસે ઉભી રહે છે.