આગલા દિવસે ગણેશ ચતુર્થીના દિવસે સર્વત્ર ધૂમ જોવા મળી હતી. લગભગ દરેક સેલિબ્રિટી ગણપતિ બાપ્પાના રંગોમાં ડૂબેલા જોવા મળ્યા હતા. ઘણા એક્ટર અને એક્ટ્રેસે ગણપતિ બાપ્પા બેસાડ્યા છે અને તેમની વિવિધ તસવીરો સોશિયલ મીડિયા પર છવાઈ રહી હતી. આ દરમિયાન સલમાન ખાને (અર્પિતા ખાન) પણ આવો એક વીડિયો શેર કર્યો છે, જેને જોઈને ફેન્સ ખૂબ જ ખુશ થઈ રહ્યા છે. ગઈકાલે એટલે કે ગણેશ ચતુર્થીના દિવસે સલમાન ખાનની નાની બહેન અર્પિતાએ પોતાના ઘરમાં ગણપતિની સ્થાપના કરી હતી. ગણપતિની પૂજા કરવા માટે બોલિવૂડના ઘણા સેલેબ્સ અર્પિતાના ઘરે પહોંચ્યા હતા અને બાપ્પાની આરતી કરી હતી. આ દરમિયાન સલમાન ખાન પણ ભક્તિના રંગમાં તરબોળ જોવા મળ્યો હતો.
બધા જાણે જ છે કે સલમાન ખાન દર વર્ષે ગણેશજી લાવે છે અને તેમની ખુબ જ પૂજા-અર્ચના કરે છે. સલમાન ખાનની આ ભક્તિના લોકો વખાણ કરતા નથી થાકતા. સલમાન ખાને હાલમાં જ સોશિયલ મીડિયા પર પોતાનો એક વીડિયો શેર કર્યો છે, આ વીડિયોમાં તે તેની બહેન અર્પિતાના ઘરે ગણપતિની પૂજા કરતો જોવા મળી રહ્યો છે. અર્પિતાના ઘરે ગણેશ પૂજા દરમિયાન અન્ય ઘણા ફિલ્મ સ્ટાર્સ પણ હાજર રહ્યા હતા. સલમાન ખાને પરિવારના સભ્યો સાથે ગણેશ આરતી કરી હતી. અભિનેતાને આ રીતે ભક્તિમાં ડૂબેલો જોઈને તેના ચાહકો ખૂબ જ ખુશ થઈ રહ્યા છે.
સોશિયલ મીડિયા પર શેર કરવામાં આવેલા આ વીડિયોમાં સલમાન ખાન આરતીની થાળી સાથે ગણેશ વંદના કરતો જોવા મળી રહ્યો છે. સલમાન ઉપરાંત રિતેશ દેશમુખ, આયુષ શર્મા, અર્પિતા ખાન પણ બાપ્પાની આરતી કરતા જોવા મળે છે.
View this post on Instagram
આરતી દરમિયાન સલમાન પણ ગણેશ ભક્તિમાં ડાન્સ કરતો જોવા મળ્યો હતો. તમને જણાવી દઈએ કે, અર્પિતા ખાન શર્માના ઘરે આયોજિત આ ગણેશ પૂજામાં કેટરિના કૈફની સાથે તેના પતિ વિકી કૌશલ પણ પહોંચ્યા હતા. દરેક લોકોએ ખુબ જ ભાવ-ભક્તિથી ગણેશજીની પૂજા કરી.