પાલક કેટલી ગુણકારી છે , એ આપણે સૌ જાણીએ જ છીએ. આપણે સૌએ રોજ બરોજ ના જમવા માં પણ પાલક નો ઉપયોગ કરવો જ જોઈએ..
હું આજે એવી જ એક સરળ રીત લાવી છું. આ વાનગી બનાવામાં સરળ તો છે જ પણ ખૂબ જ પોષ્ટીક અને સ્વાદિષ્ટ છે.
આ ખીચડી એક કમ્પ્લીટ ભોજન છે. દાળ , ચોખા , અને પાલક ના ગુણ… આપ ચાહો તો આ ખીચડી માં બીજા શાક પણ ઉમેરિ શકો છો.
સામગ્રી :
1. 1 વાડકો ચોખા
2. 1/4 વાડકો તુવેર ની દાળ
3. 2 વાડકા સમારેલી પાલક
4. 3 મોટી ચમચી ઘી
5. 1 ચમચી જીરું
6. 1/2 ચમચી હિંગ
7. 1/2 વાડકો સમારેલી ડુંગળી
8. 1/2 વાડકો સમારેલા ટામેટા
9. 1 ચમચી ખમણેલું આદુ
10. 2 લાલ સૂકા મરચા
11. 1 ચમચી ધાણાજીરું
12. 1/2 ચમચી મરચું
13. 1/2 ચમચી ગરમ મસાલો
14. 2 લીલા મરચા
15. 2 કળી લસણ, એકદમ બારીક સમારવું
રીત :
દાળ ચોખા ને ધોઈ, પૂરતા પાણી માં 30 થી 40 મિનિટ માટે પલાળો. કુકર માં પૂરતું પાણી, મીઠું અને થોડી હળદર ઉમેરી ધીમી આંચ પર 3 સીટી વગાડો. કુકર ને ઠરવા દો.
કડાય માં 2 મોટી ચમચી ઘી લો. 1/2 ચમચી જીરું 1 સૂકું લાલ મરચું ઉમેરો… લીમડા ના થોડા પણ ઉમેરી સમારેલી ડુંગળી, ટામેટા અને આદુ ઉમેરો . મીઠું ઉમેરો અને એકદમ saute કરો. હવે એમા લાલ મરચું, ધાણાજીરું, ગરમ મસાલો ઉમેરો અને એકાદ મિનિટ પકાવો ..
પાલક ને લીલા મરચા સાથે વાટી લો. વટવા માં 2 ચમચી જેટલું પાણી ઉમેરવું. Saute કરેલા ડુંગળી ટામેટા માં આ પાલક ની પેસ્ટ ઉમેરો .
સરસ રીતે મિક્સ કરો ને હવે એમાં ખીચડી અને થોડું પાણી ઉમેરો. ધીમી આંચ પર બધું સરસ મિક્સ થવા દો. વચ્ચે હલાવતા રહેવું…
નાની કડાય માં 1 ચમચી ઘી ગરમ કરો. એમા બારીક સમારેલું લસણ, જીરું અને લાલ સૂકું મરચું ઉમેરો. લસણ અને જીરું બ્રાઉન થાય એટલે આ વઘાર ખીચડી પર રેડો… ગરમ ગરમ પીરસો..
રસોઈની રાણી : રૂચી શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.