આજના સમયમાં લોકો પોતાના શોખ પુરા કરવા માટે ગમે તેવી મોટી કિંમત ચૂકવવા તૈયાર થઈ જાય છે. એમાંય મોબાઈલ અને ગાડીઓ માટે તો લોકો દીવાના હોય છે. એવામાં મિત્રો તમે એવા ઘણા કેસ જોયા હશે જેમાં ગાડીના મનપસંદ નંબર લેવા માટે લોકો લાખો રૂપિયા ખર્ચવા તૈયાર થઈ જતા હોય છે. એટલું જ નહીં વાહનોના અમુક યુનિક નંબર માટે તો હરાજી પણ બોલાતી હોય છે. અને આવી હરાજીમાં ગાડીના મનપસંદ નંબર લેવાના શોખીન લોકો પડાપડી કરતા હોય છે અને એ માટે તેઓ એના ઊંચા ભાવ બોલતા હોય છે
આ હરાજીમાં જે વ્યક્તિ સૌથી વધુ બોલી બોલે એને એનો મનપસંદ નંબર મળી જાય છે. હાલ ગોંડલમાંથી આવો જ એક કિસ્સો સામે આવ્યો છે જેમાં ગોંડલ શહેરમાં આવેલી ખોડલધામ સોસાયટીમાં રહેતા કૌશિક સોજીત્રા કે જેઓ હડમતાળા ઇન્ડસ્ટ્રીઝના માલિક છે એમને હાલ જ 42 લાખ રૂપિયાની ચમચમતી ફોર્ચ્યુનર ગાડી ખરીદી છે. અને આવી મોંઘી ગાડી માટે પોતાના મનગમતો નંબર લેવા માટે એમને રાજકોટ સહિતની ઘણી આરટીઓમાં તપાસ કરાવી હતી
પણ હજી સુધી નંબરની કોઈ નવી સિરીઝ આવી શકે તેમ નહોતી એટલે પોતાનો મનગમતો નંબર લેવા માટે એમને આરટીઓ દ્વારા કરવામાં આવેલી હરાજીમાં 10,21,000 રૂપિયાની બોલી લગાવી હતી. આખરે ગયા શુક્રવારે એમને એમનો મનપસંદ નંબર મળી ગયો અને કૌશિક ભાઈએ પોતાની નવી નકોર ફોર્ચ્યુનરમાં GJ 18 BR 0009 નંબરની નંબર પ્લેટ લાગી જશે
આ વિશે કૌશિકભાઈ સોજીત્રા જણાવે છે કે 9 નંબર એમના માટે ખૂબ જ લકી છે અને ગયા વર્ષે જ્યારે એમને નવું બુલેટ ખરીદ્યું ત્યારે પણ એમને પોતાનો મનપસંદ નંબર 9 જ લીધો હતો અને ભવિષ્યમાં જ્યારે પણ તેઓ કોઈપણ નવું વાહન ખરીદશે તો એમના પ્રયત્ન એવા જ હશે કે એમને એમનો મનગમતો નંબર 9 જ મળે
કૌશિકભાઇ જણાવ્યું કે હરાજી દરમિયાન મારો મનપસંદ નંબર લેવા માટે ગાંધીનગર આરટીઓમાં ત્રણ લોકો દ્વારા બિડિંગ કરવામાં આવ્યું હતું પણ શુક્રવારના રાતના સમયે તે નવ નંબર મળી ગયા હોવાનો આરટીઓ દ્વારા મેસેજ મળ્યો હતો અને સોમવારના દિવસે આ રકમ ઓનલાઈન ટ્રાન્સફર કરી દેવામાં આવશે.