જો તમે રસ્તા પર વાહન ચલાવતી વખતે કોઈપણ કાયદાનો ભંગ કરો છો તો ટ્રાફિક પોલીસ ચલણ કાપવાનું બિલકુલ ચૂકતી નથી. જો કે, ઉત્તર પ્રદેશના શામલી જિલ્લામાં એક ચોંકાવનારો કિસ્સો પ્રકાશમાં આવ્યો છે, જેમાં એક ટ્રાફિક પોલીસ કોન્સ્ટેબલે લાઇનમેનનું ચલણ કાપીને 6000 રૂપિયાનો દંડ ફટકાર્યો છે. આ દંડ તેના માસિક પગાર કરતાં વધુ હતો. લાઇનમેને ટ્રાફિક પોલીસની માફી માંગી હોવા છતાં તેણે સાંભળ્યું ન હતું. આ પછી તેણે શું કર્યું તે જાણીને બધા દંગ રહી ગયા. રોષે ભરાયેલા લાઇનમેને પોલીસ સ્ટેશનની લાઈટ કાપી નાખી હતી.
પોલીસે ચલણ કાપ્યું તો લાઇનમેને વીજળી કાપી નાખી
મીડિયા રિપોર્ટના સમાચાર મુજબ કોન્ટ્રાક્ટ પર કામ કરતા એક લાઇનમેને બાઇક ચલાવતી વખતે હેલ્મેટ પહેર્યું ન હતું, જેના પર પોલીસે 6000 રૂપિયાનું ચલણ કર્યું. જેના કારણે ગુસ્સામાં આવીને તે લાઇન મેન પાસે ગયો અને પોલીસ સ્ટેશનની લાઈટ કાપી નાખી. આ ઘટના મંગળવારે ઉત્તર પ્રદેશના શામલી જિલ્લામાં બની હતી. લાઇન મેન મોહમ્મદ મહેતાબે કહ્યું, ‘મારો માસિક પગાર માત્ર 5,000 રૂપિયા છે અને પોલીસે મારું 5000 રૂપિયાનું ચલણ કાપ્યું છે. મેં પોલીસકર્મીને પણ મને માફ કરવા વિનંતી કરી, પરંતુ તેણે કોઈ દયા ન દાખવી અને મારું ચલણ કાપી નાખ્યું.’
વીજ કંપનીના અધિકારીઓએ આવા નિવેદનો આપ્યા હતા
આ ઘટના અંગે અધિકારીઓનું કહેવું છે કે પોલીસ સ્ટેશન પાસે 55 હજારથી વધુ રકમ બાકી હતી, જેના કારણે કનેક્શન કાપી નાખ્યું હતું. પાવર કંપની PVVNLના એક અધિકારીએ જણાવ્યું કે, ‘લાઈનમાં કોઈ ખામી હતી, જેના કારણે સપ્લાય બંધ થઈ ગયો હતો.’
જો કે, આ ઘટનાથી તે વાત બને છે કે 5000 રૂપિયાની નોકરી કરનાર વ્યક્તિ 6000 રૂપિયાનું ચલણ કેવી રીતે ભરશે. પોલીસે કહ્યું કે, જો વીજ કર્મચારી હશે તો ચોક્કસ ચલણ કપાશે, આ પણ ચર્ચાનો વિષય બન્યો છે. ત્યારે વીજ જોડાણ કાપી નાખવાના કારણે પોલીસ સ્ટેશનમાં ફરજ બજાવતા પોલીસ કર્મચારીઓને ભારે હાલાકીનો સામનો કરવો પડી રહ્યો છે.