SBI બેંકનું નામ ખુબ જ મોટું છે. ઘણા લોકોના ખાતા આ બેંકમાં છે. આ બેંક સબંધિત સમાચારો આવતા રહે છે, કારણ કે કોઈ કારણોસર આ બેંકના નિયમો કોઈ ફેરફાર આવે, તો તે એક ખાસ સમાચાર થઈ જાય છે. આ બેંકના બદલાતા નિયમો બધા માટે જાણવું જરૂરી જ છે. સ્ટેટ બેંક ઓફ ઈન્ડિયામાં ખાતું ધરાવતા ગ્રાહકો માટે મોટા સમાચાર છે. જો તમારું પણ આ સરકારી બેંકમાં ખાતું છે અને કોઈ પણ ટ્રાન્ઝેક્શન વગર તમારા ખાતામાંથી પૈસા આપોઆપ કપાઈ રહ્યા છે, તો ચાલો તમને જણાવીએ કે બેંક તમારા ખાતામાંથી આ પૈસા કેમ કાપી રહી છે…?
આ દિવસોમાં જોવામાં આવી રહ્યું છે કે ઘણા ગ્રાહકોના ખાતામાંથી પૈસા આપોઆપ કપાઈ રહ્યા છે. તેની સાથે 147.50 રૂપિયાની કપાતનો મેસેજ આવી રહ્યો છે. આવી સ્થિતિમાં આ મેસેજ જોઈને ઘણા ગ્રાહકો બેંક પહોંચી ગયા છે.
બેંક તરફથી આ અંગે માહિતી આપતા જણાવવામાં આવ્યું છે કે SBI દ્વારા ગ્રાહકોના ખાતામાંથી આ પૈસા ડેબિટ કરવામાં આવી રહ્યા છે. બેંક આ પૈસા મેન્ટેનન્સ ચાર્જ તરીકે લઈ રહી છે. આ પૈસા બેંકમાંથી વર્ષમાં માત્ર એક જ વાર લેવામાં આવે છે. બેંકે ટ્વીટ કરીને આની જાણકારી આપી છે.
આ પૈસા બેંકમાંથી ચાર્જ તરીકે કાપવામાં આવે છે. તે જ સમયે, બેંક દ્વારા જારી કરાયેલ ડેબિટ કાર્ડ માટે, ગ્રાહકો પાસેથી વાર્ષિક 125 રૂપિયાની વસૂલાત કરવામાં આવે છે. તેમાં 18 ટકાના દરે GST ઉમેરવામાં આવે છે, ત્યારબાદ આ રકમ 147.50 રૂપિયા થઈ જાય છે.
આ સિવાય જો કોઈ ગ્રાહક પોતાનું ડેબિટ કાર્ડ બદલવા માંગે છે તો તેના માટે તેણે GST ચાર્જ સાથે બેંકને 300 રૂપિયા ચૂકવવા પડશે.