રસ મલાઈ
રસ મલાઈ , એક એવી બંગાળી મીઠાઈ જે પૂરી દુનિયા માં પ્રખ્યાત છે . રૂ જેવા પોચા રસગુલ્લા ને જાડુ કરેલા દૂધ સાથે પીરસો.. કેસર , એલૈચી , જાયફળ નો સ્વાદ રસ મલાઈ માં ચાર ચાંદ લગાવશે . ડ્રાય ફ્રુટ થી સજાવેલી રસ મલાઈ એકદમ ઠંડી પીરસવામાં આવે છે .
રસ મલાઈ ૨ રીતે બનાવાય છે
૧. બજાર ના તૈયાર રસ ગુલ્લા સીધા રબડી માં નાખી ને
૨. ઘરે રસ ગુલ્લા બનાવી ..
બીજી રીત લાંબી છે પણ ખુબ જ સ્વાદિષ્ટ બને છે . તો ચાલો બાળકો અને પરિવાર ને આપીએ ઘર ની બનાવેલી રસ મલાઈ , જે છે સ્વાદિષ્ટ અને ભેળસેળ વિનાની ..
સામગ્રી :
પનીર બનાવા માટે
• ૧.૨૫ લીટર ફૂલ ફેટ દૂધ
• ૨-૩ ચમચી લીંબુ (આપ દહીં કે વિનેગર પણ વાપરી શકો )
ખાંડ ની ચાસણી બનાવવા
• ૧ વાડકો ખાંડ
• ૨ ચપટી એલૈચી નો ભૂકો
રબડી બનાવવા
• ૦.૭૫ લીટર ફૂલ ફેટ દૂધ
• ૧/૨ વાડકો ખાંડ (સ્વાદ અનુસાર વધારે ઓછી કરવી )
• થોડા કેસર ના તાંતણા
• ૧ ચમચી એલૈચી નો ભૂકો
• ૧/૪ ચમચી જાયફળ નો ભૂકો
• બદામ અને પીસ્તા , સજાવટ માટે
રીત :
રીત માં સૌ પ્રથમ આપણે રબડી બનાવાની રીત જોઈશું . રબડી એટલે જાડું કરેલું ફ્લેવરફૂલ દૂધ . પોણો લીટર દૂધ જાડા તળિયા વાળા તપેલા માં ગરમ મુકો. ૨ ચમચી ગરમ દૂધ માં કેસર ને પલાળી લો . તપેલા નું દૂધ જયારે ઉકાળવા માંડે એટલે એમાં પલાળેલું કેસર , ખાંડ, એલૈચી અને જાયફળ નો ભૂકો ઉમેરો .. માધ્યમ આંચ પર ઉકાળો . થોડી થોડી વારે હલાવતા રેહવું . એ વખતે તપેલા માં ઉપર જે મલાઈ જામે એને સાઈડ પર કરતા જાઓ . દૂધ અડધું થઇ જાય ત્યારે ગસ બંધ કરી લેવો .
હવે આપણે બનાવીશું પનીર ,
એના માટે તપેલા માં દૂધ લો . દૂધ ઉકાળવા માંડે એટલે એમાં લીંબુ નો રસ ઉમેરો .. ગેસ ની આંચ ધીમી રાખી , દૂધ ને હલાવતા જાઓ . ધીમે ધીમે આપ જોશો કે દૂધ ફાટતું જાશે અને લીલા કલર નું પાણી છુટુ પડશે .. હવે આ ફાટેલા દૂધ ને પાતળા કપડા માં ગાળી લો . એના પર ૧ ગ્લાસ તાજું પીવા નું પાણી નાખી હાથ થી મસળી લો . પનીર સાફ થઇ જશે અને ઠંડુ પણ . કપડા ને ગાંઠ મારી થોડી ઉચાય પર ટીંગાડી દો . ૪૦-૪૫ મિનીટ માટે રાખી દો અને બધું વધારા નું પાણી નીકળી જવા દો ..
ત્યારબાદ પનીર ને મોટી થાળી માં લઇ , મસળો . આપ જોશો કે પનીર માં કોરુ હશે અને એક આછી ભીનાશ હશે અને એટલું હોવું જ જોઈએ , વધારે પડતું કોરું પડેલું પનીર રસ મલાઈ બગાડી દેશે . ૩-૪ મિનીટ માટે પનીર ને મસળો , વધારે-ઘી છુટું પડે એટલું મસળવું નહિ . હળવા હાથે મસળો અને નાની ડિસ્ક જેવો આકાર આપો . કિનારીઓ ને એકસરખી કરી લેવી .. બધી બનાવી ઢાંકી ને રાખી દો .
ખાંડ ની ચાસણી બનાવવા માટે ૧ વાડકો ખાંડ અને ૩ વાડકા પાણી લો . માધ્યમ આંચ પર રાખો જ્યાં સુધી ખાંડ પૂરી રીતે ઓગળી ના જાય . હલાવતા રહો . ઉકાળવા માંડે એટલે એમાં એલૈચી ભૂકો ઉમેરો .. હવે એમાં પનીર ની ડિસ્ક ઉમેરો . ઢાંકી ને ૮-૯ min માટે ઉકાળો . તમે જોશો કે ડિસ્ક ડબલ સાઈઝ ની થઇ ગઈ હશે . ગેસ બંધ કરી ૧ કલાક માટે એમ જ રેહવા દો ..
ત્યારબાદ એક એક કરી ડિસ્ક ને કાઢો , હળવે થી નીચવી રબડી માં ઉમેરો . નીચવવા માટે હાથ થી અથવા ૨ ચમચી ની વચ્ચે કરી શકો . રબડી માં ઉમેરી માધ્યમ આંચ પર ૩-૪ min માટે ઉકાળો . ઉપર થી બદામ પીસ્તા ની સજાવટ કરો .. એકદમ ઠંડી કરી પીરસો રસ મલાઈ …
રસોઈની રાણી : રૂચી શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.