સ્ટાર ઓપનર રોહિત શર્મા હાલમાં ઓસ્ટ્રેલિયા સામે બોર્ડર-ગાવસ્કર ટ્રોફી ટેસ્ટ સિરીઝ રમી રહેલી ટીમ ઈન્ડિયા સાથે છે. શ્રેણીની 3 મેચ થઈ ગઈ છે અને ટીમ ઈન્ડિયા 2-1થી આગળ છે. હવે આવતીકાલે એટલે કે 9 માર્ચથી અમદાવાદમાં ચોથી ટેસ્ટ મેચ રમાવાની છે. આ દરમિયાન રોહિતની IPL ટીમ મુંબઈ ઈન્ડિયન્સના એક સાથીદારે મેદાનમાં હંગામો મચાવ્યો હતો.
222ના સ્ટ્રાઈક રેટથી રન ફટકાર્યા પાકિસ્તાન સુપર લીગ (PSL)ની એક મેચમાં રોહિત શર્માના સાથી ખેલાડીએ હંગામો મચાવ્યો હતો. આ ખેલાડી બીજું કોઈ નહીં પણ ટિમ ડેવિડ છે. ટિમ ડેવિડ IPLમાં રોહિત શર્માની આગેવાની હેઠળની ટીમ મુંબઈ ઈન્ડિયન્સ માટે રમે છે. ટિમ ડેવિડે PSL મેચમાં 222ના સ્ટ્રાઈક રેટથી રન બનાવ્યા હતા. તેણે માત્ર 27 બોલમાં 60 રન બનાવ્યા હતા. જોકે તેની ટીમને હારનો સામનો કરવો પડ્યો હતો.
5⃣0⃣ Partnership and 3⃣0⃣ off the over 😱#HBLPSL8 | #SabSitarayHumaray l #IUvMS pic.twitter.com/kbWimMiLNT
— PakistanSuperLeague (@thePSLt20) March 7, 2023
ઓવરમાં સતત 4 સિક્સર પોતાની પાવર હિટિંગથી બધાને પ્રભાવિત કરનાર ટિમ ડેવિડે મુલ્તાન સુલ્તાન માટે ધમાકેદાર ઇનિંગ રમી હતી. તેણે ઈસ્લામાબાદ યુનાઈટેડ સામેની મેચમાં રુમન રઈસની એક ઓવરમાં સતત 4 છગ્ગા ફટકાર્યા હતા. જો કે, ટિમ ટેવિડની શાનદાર ઇનિંગ્સ છતાં, મુલ્તાન સુલ્તાન્સને મેચમાં એક બોલ બાકી રહેતા 2 વિકેટથી હારનો સામનો કરવો પડ્યો હતો. વાયરલ વિડિયો આને લગતો વીડિયો પીએસએલ દ્વારા જ સોશિયલ મીડિયા પર શેર કરવામાં આવ્યો છે.
રઈસની આ ઓવરમાં કુલ 30 રન થયા હતા. જેમાં ડેવિડે 4 સિક્સર ફટકારી હતી જ્યારે શાન મસૂદે એક ફોર ફટકારી હતી. રઈસની ઓવરનો પહેલો બોલ વાઈડ હતો, પછીના બોલ પર શાન મસૂદે ચોગ્ગો ફટકાર્યો. બીજા બોલ પર સિંગલ લઈને, સ્ટ્રાઈક ડેવિડને આપવામાં આવી. એટલામાં જ ટિમ ડેવિડના બેટમાં આગ લાગવા લાગી. તેણે સતત 4 સિક્સર ફટકારી હતી. તેણે મેચમાં માત્ર 20 બોલમાં પોતાની ફિફ્ટી પૂરી કરી હતી. મુલતાન સુલ્તાન્સે 20 ઓવરમાં 205 રન બનાવ્યા જે બાદ ઈસ્લામાબાદ યુનાઈટેડે 19.5 ઓવરમાં લક્ષ્યાંક હાંસલ કર્યો હતો.
