દિલ્હી કેપિટલ્સે લખનૌ સુપર જાયન્ટ્સ (LSG v DC) સામેની મેચ દરમિયાન સ્ટાર વિકેટકીપર રિષભ પંતની હાજરી અનુભવવા માટે એક ખાસ રીત શોધી કાઢી હતી. અલબત્ત પંત આ મેચમાં ટીમ સાથે નહોતો પરંતુ તેની 17 નંબરની જર્સી ડગઆઉટમાં ખેલાડીઓનું મનોબળ વધારી રહી હતી. દિલ્હી કેપિટલ્સ IPL 2023 ની તેમની પ્રથમ મેચમાં લખનૌ સુપર જાયન્ટ્સ સામે છે.
ઈજાગ્રસ્ત પંતની જગ્યાએ સરફરાઝ ખાને આ મેચમાં વિકેટકીપિંગની જવાબદારી સંભાળી છે, જ્યારે ઓસ્ટ્રેલિયાના ઓપનર ડેવિડ વોર્નર કેપ્ટનની ભૂમિકામાં છે. લખનૌના એકાના સ્ટેડિયમમાં, દિલ્હી કેપિટલ્સે તેની હાજરીનો અહેસાસ આપવા માટે ટીમ ના નિયમિત કેપ્ટન ઋષભ પંતની 17 નંબરની લાલ રંગની જર્સી ડગઆઉટની છત પર લટકાવી હતી. પંતની આ જર્સી સોશિયલ મીડિયા પર ઝડપથી વાયરલ થઈ રહી છે.
દિલ્હી કેપિટલ્સના મુખ્ય કોચ રિકી પોન્ટિંગ અને ફ્રેન્ચાઇઝીના ક્રિકેટ ડિરેક્ટર સૌરવ ગાંગુલી, પંતની જર્સી જ્યાં લટકાવવામાં આવી છે તેની નીચે બેઠેલા જોવા મળે છે. IPLની વર્તમાન સિઝનમાં દિલ્હી કેપિટલ્સ ચોક્કસપણે રિષભ પંતની ખોટ અનુભવશે. પંત એક વિસ્ફોટક બેટ્સમેન હોવાની સાથે સાથે એક ઉત્તમ વિકેટકીપર પણ છે જે એકલા હાથે મેચને પલટાવવાની ક્ષમતા ધરાવે છે. તેની જગ્યા એ દિલ્હી કેપિટલ્સે યુવા વિકેટકીપર અભિષેક પોરેલ ને પોતાની ટીમમાં સામેલ કર્યો છે.
રિષભ પંતે મેચ પહેલા સોશિયલ મીડિયા ના પોતાના સત્તાવાર ટ્વિટર હેન્ડલ પર લખ્યું, ‘હું ટીમ નો 13મો ખેલાડી છું, કારણ કે ઈમ્પેક્ટ પ્લેયર એ નિયમ છે. નહીંતર તે 12મો ખેલાડી હોત. આ પહેલા આઈપીએલની શરૂઆત પહેલા દિલ્હી કેપિટલ્સ ના મુખ્ય કોચ રિકી પોન્ટિંગે કહ્યું હતું કે અમે ઈચ્છીએ છીએ કે જો પંત ડગઆઉટ માં અમારી સાથે નહીં હોય તો અમે કંઈક એવું કરીશું કે તેને લાગે કે તેની ગેર હાજરી ખેલાડી ઓને ન લાગે.