મગના ચનાજોર.
અમુક જગ્યા એની વાનગીઓથી પ્રખ્યાત થઈ જતી હોય છે….જેમકે લૉ ગાર્ડન પર ખૂમચા વાળાના ચનાજોર ગરમ….હા, આ ચનાજોર ગરમ ત્યાના જ વખણાતા હોય છે…..પણ આજે હંમેશા કંઈક અલગ લઈને આવતા શોભના શાહ આજે મગના ચનાજોર લઈને આવ્યાં છે.
ચટાકેદાર અને મજેદાર ચનાજોરથી પણ વઘારે સ્વાદિષ્ટ અને ગુણકારી મગના ચનાજોર ખૂબ જ ઝડપથી બની જાય છે.
આવો શીખીએ કેવી રીતે બને છે….
સામગ્રી
- તૈયાર મગના ચનાજોર
- લીંબુ નો રસ
- કેપ્સીકમ
- ડુંગળી
- ટામેટું
- કોથમીર
- ચાટ મસાલો
સૌપ્રથમ ડુંગળી,કેપ્સીકમ,ટામેટું આ બધા ના એકદમ નાના ટુકડા કરી દો.
હવે મગના ચનાજોર ગરમ લો.
ઝીણા સમારેલા કેપ્સીકમ,ટામેટું,ડુંગળી આ બધું જ એમા નાંખો.
હવે જરુર મુજબ મીઠું ઉમેરો.
હવે એમાં ચાટ મસાલો ઉમેરો.
જો તીખો સ્વાદ જોઈતો હોય તો ગરમ મસાલો તથા મરચું પાવડર ઉમેરી શકો છો.
હવે બધું જ બરાબર હલાવી દો.
છેલ્લે લીંબુ નીચોવી દો.
પીરસતી વખતે કોથમીર અને ઝીણી સેલ ભભરાવીને આપી શકાય છે.
ખૂબ જ ઝટપટ અને પૌષ્ટિક નાસ્તો તૈયાર છે.
મગના ચનાજોર ગરમ ખાવ અને ખવડાવો.
રસોઈની રાણી : શોભના શાહ.
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.