આલુ મટર – લીલા વટાણા અને બટેકા નું શાક
- ૩ ચમચી તેલ
- અડધી ચમચી રાય
- અડધી ચમચી જીરું
- ૧ સૂકું લાલ મરચું
- ૧ તમાલ પત્ર
- ૧ બાદીયુ
- ૨ ડુંગળી જીણી સમારેલી
- ૪ બટેકા છાલ ઉતારી અને મોટા ટુકડા કરેલા
- ૨ ચમચી બેસન
- ૧ ચમચી ધાણાજીરું
- ૧ ચમચી આમચૂર પાઉડર
- ૧.૫ ચમચી લાલ મરચું પાઉડર
- ૪ ટામેટા ની પ્યૂરી
- ૧.૫ કપ લીલા વટાણા ફ્રેશ કે સ્ટોર કરેલા
- મીઠું સ્વાદ મુજબ
- ૧ ચમચી કસૂરી મેથી
- જીણી સમારેલી કોથમીર
- ૨ ગ્લાસ પાણી
સૌ થી પેલા કુકર માં તેલ ગરમ કરવા મુકો , તેલ ગરમ થાય એટલે રાય , જીરું નાખી દો , તમાલપત્ર , સૂકું લાલ મરચું , બાદીયુ નાખી દો , 
હવે તેમાં જીણી સમારેલી ડુંગળી નાખી દો , ડુંગળી ને આછા ગુલાબી રંગ ની થાય ત્યાં સુધી સાંતળી લો , 
ડુંગળી નો કલર બદલાઈ જાય એટલે આદુ – લસણ – અને લીલા મરચા ની પેસ્ટ નાખી દો અને મિક્સ કરી લો .
પછી તેમાં કાપેલા બટેકા નાખી દો , ૨ ચમચી બેસન નાખી દો , ૧ ચમચી ધાણાજીરું , અડધી ચમચી હળદર , ૧.૫ ચમચી કાશ્મીરી લાલ મરચું , તીખું જે પ્રમાણે ખાતા હો તે રીતે વધારે કે ઓછું કરી શકાય.
૧ ચમચી આમચૂર પાઉડર નાખી દો. મિક્સ કરી અને ધીમા ગેસ પર સાંતળી લો , આ રીતે કરવા થી બટેકા અને મસાલા સરસ મિક્સ થઇ જશે.
હવે તેમાં ૪ પાકા ટામેટા ની પ્યૂરી નાખી દો , મિક્સ કરી ઢાંકી અને તેલ છુટ્ટુ પડે ત્યાં સુધી ધીમા ગેસ પર કુક થવા દો.
તેલ છૂટું પડવા લાગે એટલે , ૧.૫ કપ વટાણા નાખી દો , 
તમે ફ્રેશ કે ફ્રોઝન લઇ શકો, સ્વાદ મુજબ મીઠું નાખી મિક્સ કરી લો , 
૧ ગ્લાસ પાણી નાખી દો , તમારે વધારે રસો જોઈએ તો પાણી વધુ નાખવું , હવે ૨ વિસલ સુધી રહેવા દો, 
પછી કુકર ઠંડુ થઇ જાય એટલે ખોલી લો , તેમાં ૧ ચમચી કસૂરી મેથી નાખી દો , 
જીણી સમારેલી કોથમીર નાખી દો. મિક્સ કરી લો .
ખુબ જ ટેસ્ટી બનશે આ લીલા વટાણા અને બટેકા નું શાક તો જરૂર થી બનાવો.
રસોઈની રાણી : નિરાલી કોરાટ
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.