ઘઉં ના મુઠીયા અને તીખી કઢી
રાજસ્થાન અને ઉત્તરીય પ્રદેશો માં ઘણી લોકપ્રિય આ વાનગી બહુ જ સ્વાદિષ્ટ અને સ્વાદ થી ભરપુર છે. આ કઢી , ગુજરાતી કઢી ની જેમ ગળપણ વાળી ની પણ ખાટી અને તીખી છે. પાણી માં બાફેલા આ મુઠીયા પોચા અને સ્વાદિષ્ટ છે અને એની સાથે કઢી નો combo તો જોરદાર છે . આપ ચાહો તો લીલા આદુ-મરચા પણ ઉમેરી શકો છો .
પેહલા આપણે મુઠીયા બનાવીશું…
સામગ્રી :
• ૨ વાડકા ઘઉં નો લોટ
• ૨ મોટી ચમચી ચણા નો લોટ
• ૧ વાડકો રાંધેલો ભાત (ઓપ્શનલ)
• ૧/૨ વાડકો છીણેલી દુધી (ઓપ્શનલ)
• ૧/૨ ચમચી હળદર
• ૧ ચમચી લાલ મરચું
• ૩-૪ ચમચી તેલ
• મીઠું
રીત :
ઘઉં ના લોટ માં બધો મસાલો ઉમેરી , કઠણ લોટ બાંધો. આ લોટ ને લાંબા મુઠીયા જેવા બનાવો.
મોટા અને પોહળા તપેલા માં પાણી ઉકાળી આ મુઠીયા ને આ પાણી માં ૧૫-૧૭ min સુધી બાફો…
મુઠીયા માં છરી નાખી ચેક કરો કે બફાઈ ગયા કે નહિ …
પાણી નીતારી દો. ઠંડા થાય એટલે કટકા કરી લો . કડાય માં ૩-૪ ચમચી તેલ ગરમ કરો. ૧ ચમચી રાઈ ઉમેરો .. તતડી જાય એટલે એમાં ૨ સુકા લાલ મરચા અને હિંગ નાખી મુઠીયા ઉમેરો .. મીઠું અને મરચું સ્વાદનુસાર ઉમેરો. ધીમા તાપે થોડા કડક થવા દો.
આ મુઠીયા અને ગરમ ખાટી કઢી સાથે પીરસો..
ખાટી કઢી ની રીત :
સામગ્રી :
• ૨ વાડકા ખાટું દહીં
• ૩ ચમચી ચણા નો લોટ ( ઘણા ઘઉં નો લોટ પણ વાપરે છે )
• મીઠું
• ૧/૨ ચમચી હળદર
• ૧/૪ ચમચી રાઈ
• ૧/૨ જીરું
• ૧/૪ મેથી ના દાણા
• ૧-૨ લાલ સુકા મરચા
• લીમડા ના પાન
• મીઠું
• ૧.૫ ચમચી ઘી
રીત :
તપેલા માં દહીં, મીઠું , ચણા નો લોટ સરસ મિક્ષ કરી લો. એમાં ૨ ગ્લાસ્સ જેટલું પાણી ઉમેરો . હળદર ઉમરી ગેસ પર ઉભરો આવવા દો .
નાની કડાય માં ઘી લઇ ગરમા કરો . પછી તેમાં રાઈ, જીરું , મેથી ના દાણા , સુકા લાલ મરચા ઉમેરો. જીરું તતડી જાય એટલે લીમડા ના પાન અને હિંગ ઉમેરો. લાલ મરચું ઉમેરી તરત આ વઘાર કાઢી માં મિક્ષ કરો . કઢી ને ૮-૧૦ min માટે ઉકાળો . આ કઢી ગરમ રોટલી કે ભાત સાથે પણ પીરસી શકાય …
તો તૈયાર છે કઢી અને મુઠીયા …
રસોઈની રાણી : રૂચી શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.