ફરસાણમાં ખમણ, ઢોકળાં તો આપણા ગુજરાતીઓની પહેલી પસંદ હોય છે.અને lock down ચાલી રહ્યું છે .તો ઘર માં થી જ ફોતરાવાળી મગની દાળનો ઉપયોગ કરી ઢોકળાં બનાવ્યા છે . તો ચાલો આજે શીખી લો ટેસ્ટી અને હેલ્ધી ફોતરાવાળી મગની દાળના ઢોકળાં બનાવતા.
- – 1 કપ – મગની ફોતરાવાળી દાળ
- – આદુંની પેસ્ટ – 1/2 ઇંચ
- – લસણ – 4-5 નગ
- – 1 ચપટી – હળદર
- – 1-2 – લીલું મરચું
- – ચપટી – હીંગ
- – 1 ચમચી – મીઠું
- – તેલ
- – 1 નગ ઇનો પેકેટ
મગની દાળના ઢોકળાં બનાવવા માટેની રીત-
સ્ટેપ :1
સૌ પ્રથમ મગની દાળને સરખી રીતે ધોઈ લો. ત્યારબાદ તેને 1-2 કલાક પલાળી આ મગની દાળ ને રાખવી .
સ્ટેપ :2
મગની દાળ ને મિક્સર જાર માં લઇ પછી તેમાં આદું, લસણ, હળદર, લાલ મરચું, હીંગ અને મીઠું ઉમેરી 2-3 મિનિટ સારે રીતે ફેંટી લો. કકરી વાટી લો.ત્યાર પછી1 ઇનો નું પેકેટ ઉમેરી ફરી થી ફેટી લેવું ..
સ્ટેપ :3
પછી એક પ્રેશર કૂકરમાં પાણી લઈ તેને મધ્યમ તાપ પર ગરમ કરવા માટે મૂકો. હવે એક થાળી લઈ તેમાં તેલ લગાવીને આ ખીરું પાથરી થાળીને કૂકરની અંદર મૂકી 15 મિનિટ સ્ટીમ કરી લો. થઈ જાય એટલે ઢાંકણું ખોલી છરીની મદદથી તેમાં ચોસલા પાડી લો. તૈયાર છે મગની દાળના ઢોકળાં.થોડી કોથમીર ભભરાવી …
આ ઢોકળાને ગરમા ગરમ જ લીલી ચટણી અને તેલ સાથે સર્વ કરો. તો તૈયાર છે એકદમ ટેસ્ટી મગની દાળના ઢોકળાં.
રસોઈની રાણી : દિગના રૂપાવેલ (બરોડા)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.