💖💖કાચી કેરી આઈસ્ક્રીમ 🍧🍧🍧
આઈસ્ક્રીમ તો તમે ઘણી જાતના ખાધા હશે પણ કાચી કેરી નું આઈસ્ક્રીમ એકદમ અલગ જ છે. થોડું ખાટું …થોડું મીઠું….પણ એકદમ યમ્મી….😋😋😋 નાના મોટા સૌને ભાવે તેવું આઈસ્ક્રીમ છે.
💚💚સામગ્રી :
અમૂલ ફ્રેશ ક્રીમ ( એકદમ ઠંડુ) – ૨૫૦ ગ્રામ
મિલ્કમેઈડ – ૧/૩
દૂધ – ૧ કપ
કાપેલી કાચી કેરી – ૧ કપ
કોર્ન ફ્લોર – ૧ નાની ચમચી
ખાંડ – ૧/૨ કપ
પાણી – ૧/૨ કપ
કાપેલા ડ્રાયફ્રુટ – ૨ મોટી ચમચી
💚💚રીત :
સ્ટેપ – ૧ : એક પેણીમાં ૧ કપ દૂધ લેવું. તેમાંથી ૧ ચમચી દૂધ કાઢી લેવું. તેમાં કોર્નફ્લોર મિક્સ કરવો. બાકીનું દૂધ ગરમ કરવા મૂકવું.
સ્ટેપ – ૨ : દૂધ ગરમ થાય પછી તેમાં કોર્નફ્લોરવાળું દૂધ ઉમેરવું. ૨ મિનિટ મીડિયમ ગેસ પર થવા દેવું. પછી તેને એક વાસણમાં કાઢી લેવું.
સ્ટેપ – ૩ : બીજી પેણીમાં ૧ કપ કાપેલી કેરી , ૧/૨ કપ ખાંડ અને ૧/૨ કપ પાણી લેવું. ૭ થી ૮ મિનિટ મીડિયમ ગેસ પર થવા દેવું. કેરી નરમ થાય પછી તેને બીજા વાસણમાં કાઢી લેવી.
સ્ટેપ – ૪ : કેરીનું મિશ્રણ ઠંડુ પડે પછી તેને મિક્સરમાં વાટી લેવું.
સ્ટેપ – ૫ : એક વાસણમાં અમૂલ ફ્રેશ ક્રીમ લેવું. તેને ૭ થી ૮ મિનિટ ફુલ સ્પીડ પર બીટ કરવું.
સ્ટેપ – ૬ : જયારે ક્રીમ ઘટ્ટ થાય ત્યારે તેમાં મિલ્કમેઈડ , કોર્નફ્લોર વાળું દૂધ અને કેરીની પેસ્ટ મિક્સ કરવી.
સ્ટેપ – ૭ : આ મિશ્રણને એરટાઈટ ડબ્બામાં ભરી દેવું.
સ્ટેપ – ૮ : ૧૦ થી ૧૨ કલાક માટે ફ્રીઝરમાં સેટ કરવું.
સ્ટેપ – ૯ : ઉપર કાપેલા ડ્રાયફ્રુટ નાંખીને પીરસવું.
💚💚 નોંધ :
ટોતાપૂરી કેરીનો જ આ આઈસક્રીમ બનાવવા માટે ઉપયોગ કરવો.
સ્પર્ધક : ડીમ્પલ પટેલ (સુરત)
તમને આ રેસીપી કેવી લાગી તેનો અભિપ્રાય જરૂરથી આપજો, રસોઈની રાણીની આ ખાસ સ્પર્ધામાં ભાગ લેવા માટે અભિનંદન.
દરરોજ અવનવી વાનગી માટે લાઇક કરો અમારું પેજ – રસોઈની રાણી.