કાજુ પનીર-કેપ્સીકમ મસાલા :
કાજુ પનીર મસાલા એ એક પંજાબી સબ્જી છે. અહીં હું આપ સૌ માટે કાજુ પનીર મસાલાની સબ્જીમાં થોડો ક્રંચ લાવવા માટે કેપ્સિકમનાં કોમ્બિનેશનથી કાજુ પનીર-કેપ્સિકમ મસાલાની પંજાબી સ્ટાઈલ સબ્જીની રેસીપી આપી રહી છું. જે ખરેખર ઢાબા કે રેસ્ટોરંટમાં મળતી હોય તેવી જ લાજવાબ સબ્જી બને છે. તમે પણ મારી આ રેસીપી ફોલો કરીને ખુબજ ટેસ્ટી અને હેલ્ધી કાજુ પનીર-કેપ્સિકમ મસાલા ચોક્કસ બનાવજો. નાનાથી માંડીને મોટા સુધીના દરેક લોકોની આ સબ્જી હોટ ફેવરીટ બની જશે.
કાજુ પનીર-કેપ્સીકમ મસાલા બનાવવા માટેની સામગ્રી :
- ૧/૨ કપ કાજુના ટુકડા – ફ્રાય કરવા માટે
- ૩ ટેબલ સ્પુન પલાળેલા કાજુ – પેસ્ટ કરવા માટે
- ૨ ઓનિયન –બારીક ક્રશ કરેલી
- ૩ નાના ટામેટા – બારીક ક્રશ કરેલા
- ૨ કેપ્સિકમનાં સ્ક્વેર કટ કરેલા ટુકડા
વઘાર માટે :
- ૩ ટેબલ સ્પુન ઓઈલ
- ૧/૨ ટી સ્પુન આખું જીરું
- ૨ તજપત્તાનાં ટુકડા
- ૩ કાળી એલચી – એલચા
- ૩ લવીંગ
- પીંચ કસુરી મેથી + ૧ ટેબલ સ્પુન કસુરી મેથી
- ૧ ટેબલ સ્પુન કોર્ન ફ્લોર + ૨ ટેબલ સ્પુન પાણી
- ૨ ટેબલ સ્પુન આદુ મરચા લસણની પેસ્ટ
- ૧ ટેબલ સ્પુન કાશમીરી મરચું
- ૧/૨ ટી હળદર પાવડર
- ૨ ટેબલ સ્પુન ધાણા જીરુ
- સોલ્ટ – સ્વાદ મુજબ
- ૧/૨ ટી સ્પુન ગરમ મસાલો
- બારીક સમારેલી કોથમરી – જરૂર મુજબ
કાજુ પનીર-કેપ્સીકમ મસાલા બનાવવાની રીત :
સૌ પ્રથમ ૧/૨ કલાક પલાળેલા કાજુમાં થોડું પાણી ઉમેરી કાજુને ગ્રાઈન્ડ કરી તેની પાતળી પેસ્ટ એક નાના બાઉલમાં ભરી એક બાજુ રાખો.
એક પેનમાં એક ટેબલ સ્પુન ઓઈલ મૂકી તેમાં ૧/૨ કપ કાજુના ટુકડા ગુલાબી ફ્રાય કરી લ્યો.
ત્યારબાદ એજ પેનમાં ૧ ટેબલ સ્પુન વધારે ઓઈલ મૂકી તેમાં કેપ્સિકમનાં સ્ક્વેર સેલો ફ્રાય કરી લ્યો. એક બાજુ રાખો.
૨ ઓનિયન અને ૩ નાના ટામેટાને અલગ અલગ ક્રશ કરી લ્યો. એકબાજુ રાખો.
*
હવે મીડીયમ ફ્લેઈમ પર પેન મુકી તેમાં ૩ ટેબલ સ્પુન ઓઈલ ગરમ મુકો. ગરમ થાય એટલે તેમાં ૧/૨ ટી સ્પુન આખું જીરું, ૨ તજપત્તાનાં ટુકડા, ૩ કાળી એલચી, ૩ લવીંગ અને પીચ કસુરી મેથી ઉમેરી સાંતળી લ્યો.
હવે તેમાં ક્રશ કરેલી ઓનિયન ઉમેરી ગુલાબી થાય ત્યાંસુધી સાંતળો. તેમાં ૨ ટેબલ સ્પુન આદુ, મરચા લસણની પેસ્ટ ઉમેરી મિક્ષ કરી, સાથે સાંતળો લ્યો.
બરાબર સંતળાઈ જાય એટલે તેમાં ક્રશ કરેલા ટામેટા ઉમેરી મિક્ષ કરી લ્યો. હવે તેમાં ૧ ટેબલ સ્પુન કાશમીરી મરચું, ૧/૨ ટી હળદર પાવડર, ૨ ટેબલ સ્પુન ધાણા જીરુ, સોલ્ટ – સ્વાદ મુજબ અને ૧/૨ ટી સ્પુન ગરમ મસાલો ઉમેરી મિક્ષ કરી લ્યો. બધું સંતળાઈને ઓઈલ છુટું પડવા લાગે એટલે તેમાં કાજુની પેસ્ટ ઉમેરો. અને એજ બાઉલમાં^ ૧/૨ કપ પાણી ભરીને તેમાં ઉમેરી મિક્ષ કરી લ્યો.
હવે પેનને ઢાંકીને ૨-૩ મિનીટ કુક થવા દ્યો. હવે તેમાં ૧ ટેબલ સ્પુન કોર્ન ફ્લોરમાં ૨ ટેબલ સ્પુન પાણી ઉમેરી મિક્ષ કરી એ મિશ્રણ ઉમેરો. સાથે ૧ ટેબલ સ્પુન કસુરી મેથી ક્રશ કરીને ઉમેરી મિક્ષ કરી લ્યો. ૨ મિનીટ કુક કરો. સ્પુન વડે હલાવતા રહો. ઓઈલ જરા છુટું પડતું લાગે એટલે તેમાં ફ્રાય કરેલા કાજુ અને પનીર ઉમેરો. એ મિક્ષ કરી લ્યો. ત્યારબાદ તેમાં કેપ્સિકમનાં સ્ક્વેર સેલો ફ્રાય કરેલા એ ઉમેરી મિક્ષ કરી લ્યો.
ત્યારબાદ મીડીયમ ફ્લેઈમ પર ૨-૩ મિનીટ કુક કરો. કાજુ,પનીર અને કેપ્સિકમમાં મસાલા બરાબર ચડી જાય અને ઓઈલ છુટું પડતું દેખાય એટલે તેમાંપહેલા ૧ ટેબલ સ્પુન કોથમરી ઉમેરી મિક્ષ કરી લ્યો. ત્યારબાદ ફરીથી કાજુ પનીર-કેપ્સિકમ મસાલા પર કોથમરી સ્પ્રીંકલ કરી દ્યો.
હવે હેલ્ધી, ટેસ્ટી અને ક્રન્ચી ટેસ્ટવાળી કાજુ પનીર-કેપ્સિકમ મસાલા સબ્જી સર્વ કરવા માટે રેડી છે. આ સબ્જી નાન, પરોઠા, કુલાચા વગેરે સાથે સર્વ કરવાથી ખૂબજ ટેસ્ટી લાગશે.
તમે પણ મારી આ રેસીપી ફોલો કરીને કાજુ પનીર-કેપ્સિકમ મસાલા સબ્જી તમારા રસોડે ચોક્કસથી બનાવજો. ગેસ્ટ આવ્યા હોય ત્યારે લંચમાં કે ડીનરમાં આ સબ્જી બનાવવી ખૂબજ સરળ રહેશે.
રસોઈની રાણી : શોભના વણપરિયા
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.